«Sıfrlyq Qazaqstan» negizgi bes baǵyt boıynsha júzege asady

Qazaqstanda sıfrlyq júıege kóshý jolynda túrli sharalar atqarylyp jatyr. Qazaqstan zaman talabyna saı bolyp, álemdegi óte jyldam júrip jatqan IT salasyndaǵy ózgerister Qazaqstan Respýblıkasyn sandyq júıege kóshýge májbúrleıdi.

Qazaqstan Respýblıkasy Úkimeti byltyr 12 jeltoqsanda  № 827 qaýlysymen «Sıfrlyq Qazaqstan» memlekettik baǵdarlamasyn bekitti. Bul týraly Aqparat jáne kommýnıkasııalar mınıstrliginiń baspasóz qyzmeti málimdedi.

«Sıfrlyq Qazaqstan» memlekettik baǵdarlamasynyń eń basty maqsaty - sıfrlyq tehnologııalardy qoldaný men jetildirý arqyly  Qazaqstan Respýblıkasy ekonomıkasynyń básekege qabiletti etý jáne Qazaqstan halqynyń ómir sapasyn jaqsartý. 

«Sıfrlyq Qazaqstan» jobasyn iske asyrý eki baǵytpen jasalady dep josparlanýda. Olarǵa jeke-jeke  toqtalyp ótetin bolsaq, ortasha merzimdi bolashaqta «Qazirgi ekonomıkany sıfrlandyrý». Ekinshi baǵyt -  uzaq merzimdi keleshekte «Bolashaqtyń sıfrlyq ındýstrııasyn qurý» jospary bar.

«Sıfrlyq Qazaqstan» memlekettik baǵdarlamasy aıasynda josparlanǵan júz jıyrma is-shara sıfrlik salanyń ekonomıkanyń tyń salasy retinde irgetasyn qalap, ózekti bes baǵyt boıynsha iske asyrylatyn bolady. Ol bes baǵytty atap óteıik:

Birinshi baǵyt: «Ekonomıka salalaryn sıfrlandyrý».

Ekinshi baǵyt: «Sıfrlyq memleketke kóshý».

Úshinshi baǵyt:  «Sıfrlyq jibek jolyn iske asyrý».

Tórtinshi baǵyt: «Adamı kapıtaldy damytý».

Besinshi baǵyt: «Innovasııalyq ekojúıeni qurý».

«Sıfrlyq Qazaqstan» memlekettik baǵdarlamasy aıasynda ótkizilip jatqan is-sharalar qorytyndysy retinde Qazaqstan Respýblıkasynyń ekonomıka salalaryndaǵy eńbek kórsetkishteriniń ósiminen basqa, 2022 jylǵa deıin elektrondyq saýda-sattyqty jalpy saýda-sattyq kóleminiń 2,6% deıin ósirý, sıfrlandyrýdyń arqasynda 300 000 jańa jumys oryndaryn ósirý, ınternet jelisin qoldanýshylar úlesin 82% deıin, al halyqtyń sıfrlyq biliktiligin 83% arttyrý josparlanýda.

«Sıfrlyq Qazaqstan» memlekettik baǵdarlamasy Qazaqstan Respýblıkasy turǵyndary ómiriniń barlyq salalaryn qamtı otyryp, memleketimizdiń árbir azamatynyń ómir súrý deńgeıin kóterýdi maqsat tutqandyqtan baǵdarlama paıdasyn halyq, kásipkerlik sýbektileri jáne Qazaqstan Respýblıkasynyń memlekettik organdary baıqaıdy. Aldyn-ala naqty esepteý boıynsha 2025 jylǵa qaraı ekonomıkany sıfrlandyrýdan bolatyn tikeleı áser  1,7 - 2,2 trıllıon teńge sommasynda qosymsha baǵa jasaýǵa jaǵdaı týǵyzady.

«Sıfrlyq Qazaqstan» memlekettik baǵdarlamany iske asyrý úshin Qazaqstan Respýblıkasy prezıdenti Nursultan Ábishuly Nazarbaev «Qazaqstan-2050» strategııasynda alǵa qoıǵan básekelestigi joǵary, damyǵan 30 memleket qataryna 2050 jylǵa qaraı enýine múmkindik beretin mańyzdy faktor bolýy ábden múmkin.