Túrkistan oblysynyń eltańbasyna baıqaý jarııalandy

Túrkistan oblysynyń sáýlet jáne qala qurylysy basqarmasynyń uıymdastyrýymen óńirdiń jańa eltańbasyna úzdik eskızdik jobasyna baıqaý jarııalandy dep habarlaıdy Qamshy.kz aqparat agenttigi Túrkistan oblysy ákiminiń baspasóz qyzmetine silteme jasaı otyryp.

Túrkistan oblysynyń eltańbasyna úzdik eskızdik usynystar 2018 jyldyń 3 qazan kúni saǵat 16:00-de qaralady. Qatysý úshin baıqaý 2018 jyldyń 1 qazanyna deıin Túrkistan oblysynyń sáýlet jáne qala qurylysy basqarmasyna tapsyrylýy qajet ([email protected], 53-95-56). Jeńimpazdar dımlommen jáne qarjylaı syılyqtarmen marapattalady. Jalpy júlde qory – 1 mıllıon teńge.

Baıqaýǵa jeke jáne zańdy tulǵalar qatysady. Baıqaýǵa talaptary: túsinikteme jazba, eskızdiń maqsatyn aıqyndaıtyn negizgi syzbalar, kompıýterlik keskindeme nemese túrli-tústi boıaýmen salynǵan sýreti, jobalar kólemi 90h60 sm planshetterge ornalastyrylýy qajet. 

Baýqaýǵa qatysýshalardyń usynystaryn respýblıkaǵa belgili sáýletshiler men sala mamandary qazylyq etetin bolady.