Elordanyń kóshe qıylystarynda «Intellektýaldyq jaıaýjol ótkeli» ornatyldy

«Aqyldy aýdan» jobasynyń aıasynda «Baıqońyr» aýdanynyń Kravsov jáne Ýalıhanov kósheleriniń qıylysynda «Intellektýaldyq jaıaýjol ótkeli» ornatyldy, dep habarlaıdy Qamshy.kz aqparat agenttigi digitalkz.kz saıtyna silteme jasap.

«Intellektýaldyq jaıaýjol ótkeli» «Safe Way Company.kz» kompanııasynyń ınnovasııalyq kesheni bolyp tabylady.

«Aqyldy» jaıaýjol ótkeli adam jaqyndaǵan kezde jumys isteı bastaıtyn qurylym. Túngi ýaqytta belginiń jaryq ári kólemdi bolýynan, júrgizýshi aldaǵy kedergini aldyn ala kórip kólikti toqtatýǵa, al jaıaý júrginshi joldy kaýipsiz ótýge múmkindik alady», – dedi E. Kanalımov.

Sondaı-aq, «Intellektýaldyq jaıaýjol ótkeli» elektr toǵyn qajet etpeıdi, ol tabıǵı jolmen – kún men jel energııasynan qýat alady. Keshen qatty aıaz ben aptaǵan ystyqqa tózimdi. Sonymen qatar, bul Halyqaralyq «Shell» konserny tarapynan qoldaý kórsetilip jasalynǵan, álemde balamasy joq qazaqstandyq joba ekenin atap ótken jón.

2018 jyldyń 2 maýsymynda Astanada «Baıqońyr» jańa aýdanynyń turǵyndaryna «aqyldy aýdan» jobasynyń tanystyrylymy ótkizilgen bolatyn. Ol qalanyń eski bóliginde: «Jastar» yqsham aýdanynda, Baraev, Kravsov, Tashenov jáne Hýseın kóshelerinde ornalasqan.

Aıta ketelik, jańashyldyqty engizýge jaýap berýshi «Astana Innovations» AQ, elordada «bolashaq aralyn» qurýdy ınvestorlardyń qarjysyna josparlanǵan. Osyndaı jańa úlgidegi aýdan qurý bolashaqta salynatyn shaǵyn aýdandarǵa baǵdar bolady. Jobany jasaýshylar «Jastar» shaǵyn aýdanyn sebepsiz tańdamaǵan, onyń qalanyń teń ortasynda ornalasqany, toǵyz joldyń torabynda turǵany jáne qalanyń qaı baǵytynan kelseńiz de yńǵaıly ornalasqany eskerilgen. Jobalaýshylar mol qarjy jumsamaı-aq turǵyndarǵa jaıly, ómir súrýge qolaıly, durys sáýlettik úlgidegi jáne jańa tehnologııalarǵa negizdelgen «aqyldy» aýdan qurmaq.

Engiziletin jańa tehnologııalar arasynda qysta jylytylatyn «aqyldy» jaıaý júrginshiler joldary, kólik torabyn josparlaıtyn júıeler, mobıldi kásipkerlikti damytý baǵdarlamalary, «aqyldy» jaryqtandyrý, qoqysty jekelep saqtaý jáne t.b. bar.

Sonymen qatar, smart ólsheýishi bar «aqyldy» úı salý josparlanýda. Bul ǵımarat energııany, sýdy tutynýdy, jeńil jáne basqa kommýnaldyq taýarlardy baqylaýǵa múmkindik beredi. Máselen, «aqyldy» aýdanda «Smart Metering» jańartylǵan sýeseptegishteri bar «aqyldy úı» boı kóteretin bolady.