• USD 468.56

  • EUR 497.56

  • RUB 7.3

  • CNY 67.18

29 Naýryz, 16:38:43
Almaty
+35°

26 Sáýir, 2018 Sharýashylyq

Bıyl Otyrar aýdany alǵash ret kógildir otynǵa qol jetkizedi

2014-2016 jyldary 4 mlrd 181 mln teńgege aýdandy tabıǵı gazben qamtý jumystary júrgiziledi dep josparlanǵan.

Jyl basynda Ońtústik Qazaqstan oblysynyń ákimi J.Túımebaev aýyldardaǵy mamandarǵa jaǵdaı jasaý maqsatynda aýdan, qala ákimderine qyzmettik turǵyn úıler salýdy júktegen bolatyn. Osy tapsyrmaǵa sáıkes Otyrar aýdanynda 12 páterlik 2 qyzmettik úıdiń qurylysy júrgizilýde. OQO ákiminiń baspasóz qyzmeti uıymdastyrǵan press-týr kezinde jýrnalıster osyndaı jumystardyń kýási boldy.

Otyrar

Sháýildir aýylynda boı kóteretin turǵyn úıdiń jalpy quny 311,6 mln teńge bolyp bekitilgen. Qurylys jumystary jospar boıynsha 2019 jylǵa ótpeli. Bıyl atqarylatyn qurylys jumystaryna oblystyq bıýdjetten 200 mln teńge qarjy qaralǵan.

Otyrar

Tilshilerdi bastap júrgen aýdan basshysy E.Aıtahanov aldymen jańadan boı kóterip jatqan sport kesheniniń qurylys jumystarymen tanysýǵa shaqyrdy. Zamanaýı úlgide salynyp jatqan keshende dzıýdo, sambo, qazaq kúresiniń kilemderi men voleıbol, fýtbol, basketbol alańdary bolady. Aǵymdaǵy jyly paıdalanýǵa beriletin jobanyń quny 293 544 160 teńgeni quraıdy.

Otyrar

Sondaı-aq, eldimekenderge tabıǵı gaz tartý úshin júrgilizip otyrǵan qurylys jumystary da otyrarlyqtardyń kóz qýanyshyna aınalyp otyr. Sebebi, tarıhta alǵash ret aýdan turǵyndary kógildir otynǵa qol jetkizetin bolady. Mamandardyń sózinshe, Sháýildir, Temir aýyldary bıyl qatty otyn jaǵýdan qutylady. Bul jumystarǵa oblystyq bıýdjetten 1 mlrd. 558 mln teńge qarjy qaralǵan.

Otyrar

«Jalpy 2014-2016 jyldary 4 mlrd 181 mln teńgege aýdandy tabıǵı gazben qamtý jumystary júrgiziledi dep josparlanǵan. Búginde 51,4 shaqyrym magıstarldyq gaz qubyryn júrgizý jáne AGTS qurylysyn salý jumystary aıaqtalǵan. Aýdan kólemindegi bir-birine jáne Sháýildirge jaqyn ornalasqan 22 eldimekenge gaz júıesin júrgizý úshin jobalyq smetalyq qujattaryn daıyndaýǵa bıýdjetten qarjy bólingen. Eger joba tolyǵymen iske assa, aýdan halqynyń 71 paıyzy kógildir otynmen qamtylatyn bolady», – dedi Erlan Qýanyshuly.

Otyrar

Munan soń aýdan ortalyǵyndaǵy «Janǵa shıpa» medısınalyq ortalyǵyn aralady. Otyrardan túlep ushqan kásipker Q.Tólemisovtiń ıeligindegi mekemede dárihana, stomotologııalyq kabınet, kardıogramma, ÝZI, FGDS jáne rentgen apparattarymen jabdyqtalyp, halyqqa sapaly qyzmetterin usynyp otyr. Onda 15 adam jumyspen qatylǵan.

Otyrar

Buǵan deıin Shymkent nemese Túrkistan qalasyna sabylatyn naýqastar endi óz aýylymyzda da emdele berýge múmkindik týdy dep qýanyp otyr. Ásirese, qyzmet qunynyń qaltaǵa qonymdylyǵy kóńil qýantady deıdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir