• USD 468.56

  • EUR 497.56

  • RUB 7.3

  • CNY 67.18

29 Naýryz, 18:43:39
Almaty
+35°

25 Sáýir, 2018 Segiz órim

Qazaq qyzdary ashkózdikten ada bolsa eken

Qazir biraz áıel óresiniń ólshemi – tıyn, kıim, buıym.

Qazir biraz áıel óresiniń ólshemi – tıyn, kıim, buıym. Osy úsheýinen basqaǵa bas qatyratyndary az. Bir qaraǵanǵa, bul jalǵanda odan artyq qajettilik te joq sııaqty bolyp kórinedi. Biraq, bar ǵoı...

Úsh anyq – ıman, ıba, ulttyq rýh bolmasa, qıyn. Adamdyq adaldyqpen ólshenýi tıis. Ádep ádetke aınalsa, qup. Materıaldyq ıgilikke qol jetkizý – bir páste. Ol úshin aryńdy satýdyń qajeti joq. Aıarlyqpen, alaıaqtyqpen jıǵan dúnıeden aqylmen tapqan aq-adal yrysyń jaqsy. Qolda bardyń baǵasy emes, ony ıemdener adamnyń sanasy qymbat bolýy kerek. Eńbektiń óteýi bolsa, onyń tek jeke dáýlettik dámemen istelgen myń isińnen tutas áýlettiń áleýetine septespek nıettegi bir isińniń artyqtyǵyn aıshyqtap turǵany abzal.

Tym bilgishsinip ketti dersiz, qurmetti oqyrman? О́ıtseńiz, yqtııaryńyzdyń yǵyna jyǵyla salýdan aýlaqpyn. Bul taqyrypty óz yńǵaıyma aqylym artyp, ilimmen irilenip otyrǵandyqtan ıkemdemegen edim. Aıtpaǵym, qazaq qyzdary ashkózdikten ada bolsa eken. Jigittiń taqymyndaǵy «temir tulparyn», basyndaǵy baspanasyn, tapqany qapqanynan eseleı artylatyn laýazymdy qyzmetin «ıemdengisi» kelgen beısanalyq – beısharalyq! Tekti me, deni durys pa, bala taptyra ala ma, kózińe shómelelep shóp úımeı me... Solaı bolsa bitti ǵoı, beıbaǵym-aý! Ondaı azamattyń seniń kókeıińdi tesken baılyqtan shaılyǵy táýir. Kekshil emes, kópshil bop kezdesse, tipten tamasha! Etegine esiń kete jarmaspasań, qur dalbasalap qalasyń. Zor baqytyńdy zorlyqpen basqa tepken bolyp shyǵasyń. Tákapparlyqty táýelsizdigińniń qorǵany etpegiń – bos bekershilik!

«Mashınasy bolsa...». Osy bir túsinikti qabyldaýǵa túısigim jetpeı-aq qoıdy meniń! Nege bizdiń bıkeshterdiń bir apattyq qana «taǵdyry» bar qý temirde sharýasy shamaly bolmaıdy?! Kólik ıesine tıip alǵannan keıin, ózderin kúnde tańnan keshke deıin shoshaıyp kabına ishinde júretindeı kóre me eken?..

Úıdi kim jınaıdy?

Balany kim baǵady?

Tamaqty kim isteıdi?

Kir-qońysty kim jýady?

Mine, turmysqa shyǵar aldynda osyndaı turmystyq mindetterdi birinshi orynǵa shyǵarý shart.

Eger pysyq bolsań, pysyqtap alatynyń – kólik emes! Salaq bolsań, sanańda qalyptastyraryń – asta-tók dúnıe emes! Kóp bala týǵyń kelmese, kókeıińdi teseri – daıyn baspana emes!

Jaǵdaıdyń jaqsy bolǵany jón, árıne. Al jaǵdaılynyń jaryna aınalyp shyǵa kelýden buryn, soǵan laıyq qalyptyń bolmaǵy – basty paryz. Quımaqulaqtar tabylsa, olardyń qandaı qalyp ekendigin joǵaryda shym-shymdap shamalap berdik endi.

Qaraqtarymdy qazaqy qadir-qasıetten jurdaı etetin, ulttyq dil dińin mújip qurtatyn úsh jegi qurt – álgi tıyn, kıim, buıym degenimiz durys.

Qasyńdaǵy qarsy jynysty serigiń jelikken jelókpelikten aryn aryltsa – arý, denin dúnıeqońyzdyq dert dendep alsa – aýrý, jigitter! Jyltyr betke júrekterińdi umsyna umtylmaı, jan-dúnıelerińdi onyń qaýashaǵynda júrýi múmkin «vırýs» jemi etýden saqtaı bilińder! «Eńbektiń nany – tátti» degendeı, sol dúnıe-múlikti erimen birge jyıýǵa talpynbasa, «daıyn asqa – tik qasyq» bolý ustanymynyń saldary – ajyrasý!

Eskerte keterim, ómir ózeginen úzip alǵan bul taqyrypty avtordyń óz basynan ótken tolǵanys túıini retinde túsinip qalmaıyq...

 

Erkeǵalı BOLATULY

Erkegali Bolatuly

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir