Aýyl sharýashylyǵy mınıstri resmı saparmen Almaty oblysyna bardy

QR premer-mınıstriniń orynbasary, Aýyl sharýashylyǵy mınıstri О́mirzaq Shókeev Almaty oblysyna kelgen saparynda oblys ákimi Amandyq Batalovpen birge óńirdiń birqatar aýyl sharýashylyǵy nysandarynda boldy, dep habarlaıdy Qamshy.kz aqparat agenttigi Almaty oblysy ákiminiń baspasóz qyzmetine silteme jasap.

Eń aldymen О́. Shókeev Eńbekshiqazaq aýdanyna kelip, munda egis alqaptaryn, «APK ADAL» AQ-nyń sút-taýarly fermasy men sút óńdeý zaýytyn aralady. Bul kezdesýde oblysta «Adal» sııaqty iri kásiporynnyń mańaıyna shoǵyrlanatyn 100-200 basqa arnalǵan shaǵyn otbasylyq sút-taýarly fermalar ashý qajettiligi týraly sóz boldy. Kompanııanyń jumysy týraly bas dırektory Serik Smaıylov aıtyp berdi.

«Adal» kompanııasy 4 baǵytta jumys isteıdi. Atap aıtqanda sútti-etti baǵyttaǵy mal ósirilip, kúnine 25 tonnaǵa deıin sút óndiriledi, oǵan qosa munda 2500 bastan astam mal ustap otyr. Ekinshi baǵyty – sút zaýyty, munda táýligine 150 tonna sút óńdeıtin 2 sehy bar. Zaýytta pasterlengen jáne ýltrapasterlengen sút, qaımaq, aıran, súzbe, sary maı – jalpy sút ónimderiniń 56 túri shyǵarylady. Sol sııaqty kompanııa óz fermasy úshin mal azyǵyn daıarlaıdy. Kásiporynnyń ónimderi Almaty qalasy men Almaty oblysynyń 5 myńdaı saýda núktelerine jetkiziledi.  

Budan soń delegasııa «Amal Bıo» JShS-nyń ıntensıvti baǵyna bardy. Munda jemis aǵashtaryn kesýge arnalǵan zamanaýı arnaıy tehnıka kórsetildi. Seriktestik dırektory Asqar Sabyrovtyń aıtýynsha, sharýashylyq jańa tehnologııany qoldana otyryp, kókónis pen jemister ósirýmen shuǵyldanady. Búginde keshende 80 ga jemis baǵy bar, aldaǵy ýaqytta ol 300 gektarǵa deıin keńeıtilmek. Munda syıymdylyǵy 6 myń tonna jemis-jıdek jáne kókónis saqtaý qoımasy bar. Sol sııaqty bıylǵy jyly jalpy alańy 750 sharshy metr bolatyn kóterme-bólshek saýda pavılony ashylady. Jýyq ýaqytta Almaty qalasynda 5 «AmalBiomarket» saýda núktelerin iske qosý josparlanǵan. Osy oraıda «Amal Bıo» JShS-nyń «Rýhanı jańǵyrý» baǵdarlamasynyń belsendi qatysýshysy ekenin aıta ketý kerek. О́tken jyly kompanııa basshylyǵy jeke qarajatyna Ashybulaq aýylyndaǵy saıabaqty jańǵyrtyp bergen edi, búgingi kúni de aýyldy abattandyrýdy, mańyzdy áleýmettik jobalardy qarjylandyrýdy jalǵastyryp keledi.

О́z kezeginde О́mirzaq Shókeev qazirgi kezde baq ósirýdi damytýda júıeli jumys qajet ekenin, zákirli kooperasııa qalyptastyrý kerektigin atap ótti. Sonymen qatar baq ósirýshilerdiń birigip birlestik qurýy, tájirıbe almasýy, bir-birine qoldaý kórsetýi kerektigin de aıtty. 

Qapshaǵaı qalasynda vıse-premer «Mareven Fýd Tıan-Shan» JShS-nyń salynyp jatqan zaýyty men «Green Land Alatau» jylyjaı kesheninde de boldy.

Jyldam daıyndalatyn kespe shyǵaratyn zaýyttyń qurylysyn «Mareven Food Holdin» transulttyq holdıngi júzege asyrýda. Bul kompanııa negizinen keń qoldanystaǵy taǵamdar men polýfabrıkattar daıyndaýǵa, aýyl sharýashylyǵy ónimderin óńdeýge mamandanǵan.

Seriktestiktiń bas dırektory Aleksandr Vıaznıkov bıylǵy jyldyń 10 sáýirinde ónim óndirý isi testileý túrinde júrgizilgenin aıtyp, iske qosylǵan jeliniń jumysyn vıse-premerge tanystyrdy. Qazirgi kezde óndiristik prosesterdiń parametrleri óńdelip, kadrlar oqytylýda. Jalpy qurylys jumystary 90 %-ke aıaqtalyp, ınjenerlik jeliler júrgizilip jatyr.

Atap ótsek, jobaǵa salynǵan ınvestısııa kólemi 50 mln. AQSh dollaryn, al jobalyq quny – 10,5 mlrd. teńgeni quraıdy. О́ndiristik qýaty – jylyna 98 myń tonnaǵa deıin, 500 jumys orny quraldy. О́nim otandyq naryqpen qatar О́zbekstan, Tájikstan, Qyrǵyz, Túrkimenstan, Mońǵolııaǵa eksporttalatyn bolady.

Aýyl sharýashylyǵy mınıstri jumysymen tanysqan «Green Land Alatau» JShS 2009 jyldyń jeltoqsanynda qurylǵan. Bul - óńirdegi asa iri, tehnıkalyq jabdyqtalý jaǵynan ozyq jylyjaı keshenderiniń biri. Jalpy alańy 10,5 gektar. Keshen týraly baıandaǵan JShS bas dırektory Almas Daýtovtyń sózine súıensek, jylyjaı kesheni sońǵy úlgidegi júıelermen jabdyqtalǵan. Olardyń ishinde tamshylatyp sýarý, gıdroponıka, jaryqtandyrý, tumandatý júıeleri jáne taǵy basqalary bar. Sonymen qatar klımatty baqylaý júıesi de ornatylǵan. Keshen ishinde ólsheý jáne qaptaý stansııasy bar.

Oǵan qosa A. Daýtov  keshenniń óndiristik qýatyna saı jylyna 6 myń tonna kókónis ósire alatynyn aıtty. О́nim túrleriniń arasynda qııardyń 2 túri, qyzanaqtyń 2 túri, salat shópteriniń de túrleri ósiriledi. 232 jumys orny qurylǵan. «Bul jylyjaı kesheniniń damý deńgeıi ózgelerge úlgi bola alady, sondyqtan mundaı ozyq tájirıbeni taratý kerek», - dedi О́. Shókeev.

Vıse-premer saparyn Ile aýdanyndaǵy «Sarybulaq» JShS qus fabrıkasynda jalǵastyrdy. Kásiporyn quramynda jumyrtqa shyǵaratyn qus fabrıkasy, soıa zaýyty, broılerlik qus fabrıkasy bar. Shyǵaratyn ónimderi: taýyq jumyrtqasy, qus eti, soıa maıy, shrot. Kompanııanyń bas dırektory Jeńis Smaıylovtyń aıtýyna qaraǵanda, kásiporynda 600 adam jumys isteıdi. Jylyna 220 myń dana jumyrtqa, 20 myń tonnaǵa deıin et óndirilip, 75 myń tonna soıa men burshaqty daqyldar óńdeledi. О́nimderi óz elimizde jáne shet elderge saýdalanady.

«Imperııa Fýd» JShS-nyń 3 myń basqa arnalǵan bordaqylaý alańy da О́mirzaq Shókeevtiń nazarynan tys qalǵan joq. Jambyl aýdanyna kelgen delegasııa aldymen osy nysanda boldy. JShS prezıdenti Arman Javada jobaǵa 1,8 mlrd. teńge ınvestısııa salynǵanyn aıtty. Qazirgi kezde shamamen 2700 bas mal bordaqylanýda, ótken jyly 618 tonna et ótkizilgen. Jyldyq aınalamyn ulǵaıtyp, óndiristik qýatyn 10 myń basqa jetkizý aldaǵy josparda bar.

Munan soń QR premer-mınıstriniń orynbasary, Aýyl sharýashylyǵy mınıstri О́mirzaq Shókeev Almaty oblysyndaǵy jumys saparynyń qorytyndysynda Qarasaı aýdany Qaskeleń qalasynda aýyl sharýashylyǵy qyzmetkerlerimen kezdesti. Jıyn barysynda О́mirzaq Shókeev oblys basshylyǵynyń aýyl sharýashylyǵyn damytý baǵytyndaǵy jumystaryna oń baǵa berip, Almaty oblysynyń agroónerkásiptik kesheniniń damý jetistikterin atap ótti.

О́z kezeginde oblys ákimi Amandyq Batalov kórsetilip otyrǵan qoldaýlar úshin rızashylyǵyn jetkizip, óńirdegi aýyl sharýashylyǵynyń damýyn áli de belsendi túrde jalǵastyra beretindikterin jetkizdi.