Almaty oblysynda 28 kooperatıv qarjylandyryldy

Fermerler ónimdi iri sút zaýytyna tasymaldaýdy jolǵa qoıǵan. Bul týraly Almaty oblysy Kásipkerler palatasynyń dırektory Narıman Ábilshaıyqov «Atameken» QR UKP Tóralqa Tóraǵasy Tımýr Qulybaevtyń qatysýymen ótken О́ńirlik keńestiń keńeıtilgen otyrysynda málimdedi.

О́ńirlik bızneske kórsetilgen negizgi qoldaý sharalaryna arnalǵan  baıandamasynda Narıman Ábilshaıyqov úsh memlekettik baǵdarlamanyń qosyndysy («Bastaý»,  aýyl sharýashylyǵyn damytý jáne kooperasııa) aýyl turǵyndarynyń jobasyna negiz bolǵanyn atap ótti.

«Bastaý» jobasy boıynsha oqytýǵa aýdandardaǵy óńdeýshi kásiporyndardyń mamandary shaqyrylǵan bolatyn. Oqytý aıasynda sarapshylar kásiporyndardaǵy suranys deńgeıi, qajetti shıkizat sapasy jóninde aıtyp berdi. Osyndaı semınarlardyń birinde Eńbekshiqazaq aýdandardaǵy qatysýshylar óz kúshterin biriktirip, bıznes-jospar daıyndady. Odan soń qarjylandyrýǵa qol jetkizip, «Jıdeli Baısyn» atty aýyl sharýashylyǵy kooperatıvin qurdy. Birlesken jumystyń basty nátıjesi bul - «FýdMaster» iri sút zaýytymen jasalǵan kelisim boldy», - deıdi oblystyq Palata basshysy.

Bıyl óńirde «Bastaý» jobasy boıynsha 3 361 azamatty oqytý men 672-den kem emes jobany qarjylandyrý jospary tur. Jalpy oblys boıynsha shaǵyn nesıelendirýge 4,4 mlrd teńge bólingen.

Narıman Ábilshaıyqov О́ńirlik kásipkerler palatasy tarapynan aýyl sharýashylyǵy kooperatıvterine jan-jaqty qoldaý kórsetilgenin atap ótti. Mysaly, ótken jyly oblysta 28 kooperatıv quny 1 mlrd teńgeden astam somaǵa qarjylandyryldy. 

Kásipkerlerdi qoldaý jáne tapsyrys berýshilerdiń talaptaryn eskerý etý maqsatynda kásipkerlik basqarmasymen birlese otandyq taýar óndirýshilerdiń tizilimi ázirlendi. Qazirgi tańda ol tizilimde 5 713 kásiporyn engizilgen.

Import almastyrý qyzmeti barysynda 8 salada jumys istep turǵan 174 kásiporynǵa saraptama júrgizildi. О́tkizilgen pasporttaý nátıjesi boıynsha ımport almastyrýǵa jatatyn taýarlar toby anyqtaldy.

Almaty oblysy Kásipkerler palatasy О́ńirlik keńesiniń keńeıtilgen otyrysynda bıznes ókilderi jeńildetilgen nesıe qoljetimdiligi, «Bıznestiń jol kartasy - 2020» memlekettik baǵdarlamasy boıynsha ınfraqurylym jetkizýge qoldaý kórsetý máseleleri kóterildi jáne baq sharýashylyǵyna memlekettik qoldaýdy kúsheıtý týraly usynys bildirildi.

О́z kezeginde oblys ákimi Amandyq Batalov atalmysh suraqtar men usynystar jiti zerttelip, sondaı-aq, olardy sheshý úshin jergilikti atqarýshy bılik tarapynan qoldaý kórsetiletinin atap aıtty.