29 Naýryz, 2018 Sharýashylyq
Baqytjan Saǵyntaev OQO-daǵy bolat blıým shyǵaratyn zaýytqa bardy
Obektide Premer-Mınıstr Baqytjan Saǵyntaev kásiporynnyń negizgi óndiristik sıkldarymen tanysty.
QR Premer-Mınıstri Baqytjan Saǵyntaev Ońtústik Qazaqstan oblysyna jumys sapary aıasynda «Ońtústik» ındýstrıaldy aımaǵy aýmaǵyndaǵy «Shymkent Temir» ońtústik óńirdegi bolat blıým shyǵaratyn alǵashqy qazaqstandyq kásiporynǵa bardy. Bul týraly primeminister.kz habarlady.
Obektide Premer-Mınıstr Baqytjan Saǵyntaev kásiporynnyń negizgi óndiristik sıkldarymen tanysty. «Shymkent Temir» JShS bas dırektory B. Álteevtiń aıtýynsha, zaýytta 40 tonnalyq ındýksııalyq peshter jáne úsh qyrly úzdiksiz quıý mashınalary qoldanylady.
Joba 2015–2019 jyldarǵa arnalǵan QR ındýstrıaldy-ınnovasııalyq damýynyń memlekettik baǵdarlamasy aıasynda júzege asyrylyp, osy jyldyń sáýir aıynda paıdalanýǵa beriledi. Shyǵarylatyn ónimniń 100% jaqyn shetelderge eksporttaý kózdelgen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir