Qazaqstanda jyl basynan beri 24,7 mln teńgege tehnıka óndirildi

Qazaqstan avtokólik óndirýshileri jyldyń basynan beri 24,7 mln teńge somasyna tehnıka óndirdi, dep habarlaıdy Qamshy.kz aqparat agenttigi. 

Qazaqstandyq Avtokásipkerlik Qaýymdastyǵynyń málimetinshe, 2018 jyldyń aqpan aıynda 2 172 avtokólik (vagondar, júk avtokólikteri, arnaıy avtokólikter, avtobýstar, tirkemeler, jartylaı tirkemeler) óndirildi, bul qańtar aıyna qaraǵanda 3,2% artyq. Avtokólik óndirisiniń aqpandaǵy quny 12 629 mln teńgeni quraıdy, bul 2018 jylǵy qańtar aıynyń nátıjesinen 4,7% artyq (12 059 mln teńge). Alaıda, alǵashqy eki aıdaǵy jınaqtalǵan nátıje ótken jyldyń uqsas nátıjesinen 2,4 ese asyp otyr (10 102mıllıon teńgege qarsy 24 688 mıllıon). Zattaı mándegi óndiris kólemi ótken jylǵy kórsetkishten 2 ese asty (2 175 birlikke qarsy 4 277).

​​​​​​​Negizgi ósim jeńil avtokólikter óndirisi esebinen qamtamasyz etildi, bıylǵy jyly qazaqstandyq kásiporyndarda 4124 avtokólik (+ 102,4%), 83 júk kóligi (+ 22,1%), 28 avtobýs (+ 55,6%) jáne 42 birlik basqa mamandandyrylǵan jabdyq óndirildi.

Eki aıdyń qorytyndysy boıynsha О́skemen qalasynyń «Azııa Avto» kompanııasy 2 732 avtokólikti (negizinen reseılik Lada avtokólikterin) jınady. Qostanaıdaǵy «SaryarqaAvtoProm»-da 1407 birlik tehnıka óndirildi. Kókshetaýda «KAMAZ Injınrıng» kompanııasy 48 júk kóligin shyǵaryp, Almaty Hyundai Trans Auto 33 júk jáne avtobýstaryn jóneltti.

Otandyq avtoóndirýshiler tutynýshylyq suranystyń ósýin qalpyna keltirý aıasynda óndiristi ulǵaıtýda. Qaıta óńdeý baǵdarlamasy jáne jeńildetilgen avtokredıtteý baǵdarlamasy ónerkásipke belsendi qoldaý kórsetýde. Aqpan aıynda «Qazaqstannyń Damý Banki» budan beri boljanǵan 8 mlrd teńgeni jeke tulǵalarǵa jumsady (atap aıtqanda, «Eýrazııalyq bank», «Sberbank», «Bank SentrKredıt», «Halyq banki» - árqaısysyna 1 875 mln. teńge, VTB (Qazaqstan) - 500 mln. teńge). QDB derekteri boıynsha bıylǵy jyly 159 ótinim maquldandy - bul 809,9 mln teńge. 

Eski mashınalardy qaıta óńdeý baǵdarlamasy aıasynda qazaqstandyqtar bıylǵy jyly eki myńnan astam jeńildik sertıfıkattaryn aldy (Qazaqstanda óndirilgen jańa avtokólik satyp alýǵa 315 myń teńge).