«Túrki elderi jastarynyń úlken quryltaıy» 2019 jyly ótedi

Osyǵan deıin ár jyldary «Qazaq handyǵyna 550 jyl», «Qazaq daýysy», «Kósh jáne Kóshbasshy», «Alashorda-100 jyl» is-sharalaryn ótkizgen «Qamshy» aqparat agenttigi bıyl da birneshe sharany qolǵa alýdy josparlaǵan. Onyń ishinde eń mańyzdysy – «Túrki elderi jastarynyń úlken quryltaıy» edi. Bul shara túgel túrkiniń aspanyna ortaq «Poezııa juldyzy» Maǵjan Jumabaevtyń 125 jyldyǵyna arnalyp,  Túrki elderiniń bolashaǵy talqylanatyn bolǵan. Quryltaıda talqylanatyn negizgi taqyryptarda belgilengen. Olar:

1. Ortaq tarıh. Túrki elderi mektepterine ortaq «Túrki tarıhy» pánin oqytý máselesi.
2. Ortaq álipbı. Latyn grafıkasy negizinde ortaq jazý úlgisin qalyptastyrý.
3. Ortaq áleýmettik jeli. Facebook, Instagram, telegram, Whatsap sııaqty túrki elderine ortaq áleýmettik habar almasý quralyn jasaý.
4. Ortaq tehnıkalyq progress. Túrki elderinde bolyp jatqan tehnıkalyq jetistikterdi ortaq paıdalaný, damytý joldary.
5. Ortaq ekonomıkalyq keńistik. Túrki elderine ortaq kásipkerlik baılanys, ekonomıkalyq erkin saýda júıesin qurý múmkindikterin qarastyrý.
6. Ortaq aqparattyq agenttik. Túrki halyqtaryna ortaq aqparattyq alań jasaý. Negizgi basymdyq ınternet keńistiginde aqparattyq agenttik qurýǵa beriledi.
7. Ortaq bolashaq. Túrki memleketteriniń erteńi, damý bıigi, yqpaldastyq múmkindikteri, ortaq qorǵanys máseleleri.

Degenmen qarjylyq qıyndyqtarǵa baılanysty bul ıgi sharany ótkizý 2019 jyldyń enshisinde qalyp otyr. Sondaı-aq, Elbasy tapsyrmasymen 2019 jyl Qazaqstanda «Jastar jyly» bolyp jarııalandy. Sondyqtanda daıyndyqty tııanaqty jasap, naqty nátıjelerge qol jetkizý úshin mán-mańyzy úlken quryltaıdy bıylǵy jyldyń kúntizbesinen alyp tastap otyrmyz. Biraq  kózdegen maqsat pen murat-múdde esh ózgermek emes. Qatysý sharttary da kóp ózgeriske túspeıdi. 

Túrki elderi jastarynyń úlken quryltaıyna qatysý sharttary:

1. Quryltaıǵa qatysýshylardyń jas shektemesi 25-35 jas arasy.
2. Quryltaıǵa qatysýshy óz ana tilin jetik bilýi tıis. 
3. Tilek bildirýshi bilim salasynyń qyzmetkeri, IT mamany, saıasatker, jýrnalıst, kásipker talaptaryna saı kelýi kerek. 
4. Joǵarydaǵy talaptan tys óz erkimen quryltaıǵa qatyspaq bolǵandarǵa shekteý qoıylmaıdy. О́z shyǵynyn ózi kóteredi.
5. Qatysýshynyń 3 kúndik qonaq-úıi, transferi jáne ózi turǵan elden-kelip ketý qarajaty quryltaıdy uıymdastyrýshy tarapynan tólenedi.
6. Quryltaı sharty áleýmettik jelide jarııalanady. Qatysýshy óziniń qatysatyny týraly kommentte jazýy tıis.Ári óziniń profıli jalpyǵa qoljetimdi bolýy kerek.
7. Odan soń qatysýshy ózi týraly túıindemeni, quryltaı taqyrybyna qatysty baıandama ózegin búginnen bastap, [email protected]  poshtasyna  jiberýi tıis. 
8. Quryltaıǵa qatysýǵa jiberilgen ótinimderdi arnaıy komıssııa iriktep, delegasııa múshelerin 22 naýryzǵa(22.03.2019) deıin bekitedi.

Qulaqqaǵys: «Qamshy» aqparat agenttigi osyǵan deıingi árbir is-sharany óz qarajatymen jáne jekelegen memleketshil azamattardyń qoldaýymen ótkizip keledi. Basty maqsat – bılik tarapynan, memleket tarapynan jasalyp jatqan ońdy qadamdarǵa qoldaý tanytý, kemshin túsip jatqan tustarǵa azamattyq turǵydan atsalysý.  «Túrki elderi jastarynyń úlken quryltaıy da» sol dástúrimizben «Qamshynyń» qarajatymen qolǵa alynyp otyr. Eger osy sharamyzǵa qoldaý kórsetip, seriktestik tanytamyz degen uıymdar men azamattar bolyp jatsa, tek qýanamyz.