Álemdegi eń baı adam ǵarysh týrızmine ınvestısııa quıýǵa daıyn

Amazon.com júıesiniń negizin qalaýshy Djeff Bezos ǵaryshty zertteýge mıllıardtaǵan dollar jumsaýǵa nıetti ekenin málimdedi.

Nıý-Iorkte ótken Bazz Oldrın premııasyn tabystaý rásiminde mıllıarder óz baılyǵyn «lotereıalyq jeńis» dep sanaıtynyn, sol sebepti ǵaryshqa ushyp kelýdi adamdar úshin qoljetimdi etý maqsatynda aqsha quıý zańdy dep esepteıtinin aıtty.

Djeff Bezos ǵaryshty zertteýge qandaı mólsherde qarjy jumsaıtynyn aıtpady. Alaıda dosy anasyn baǵýǵa qajetti somany qaldyryp, qalǵanyn zertteý jumystaryna jumsaıtynyn aıtyp qaldy.

 Budan buryn kásipker Blue Origin ǵarysh kemesiniń qurylysyna mıllıard dollar kóleminde ınvestısııa quıǵan. Bıyl Bezos baılyǵy jaǵynan  Microsoft-tyń negizin qalaǵan Bıll Geıtsti qýyp jetip, álemdegi eń baı adamdardyń kóshin bastady.