Gollandııalyq ushatyn kólik týraly ne bilesiz? (vıdeo)

Gollandııalyq Pal-V kompanııasy Jeneva qalasynda alǵash ret ushatyn kóliktiń tanystyrylymyn jasady, dep habarlaıdy Qamshy.kz aqparat agenttigi. Bul kólikti júrgizý úshin júrgizýshi kýáligimen birge ushqysh kýáligi qajet. Kóliktiń quny – 499 000 eýro nemese 197  mıllıon 604 myń teńge.

Gollandııalyq kompanııa kóliktiń qazirgi nusqasyna birneshe túzetý engizetinin aıtty. Alaıda ushatyn kóliktiń jańa nusqasynyń erekshelikterin qupııa ustaýdy jón kórip otyr.

Ol kádimgi kólikke ári tikushaqqa uqsaıdy. Salonyna eki adam syıady, oǵan qosa, kólik 20 kelige deıin júkti kótere alady. Avtomobılge eki qozǵaltqysh qoıylǵan. Jer betimen júrgizetin qozǵaltqyshynyń qýaty 100 attyń kúshine, al ushýǵa arnalǵan qozǵaltqyshynyń qýaty 200 attyń kúshine teń. Taǵy bir aıta keterligi, bul kólik áýede saǵatyna 180 shaqyrym jyldamdyqpen ushady. Kólik ázirge sertıfıkat almaǵan. Alaıda gollandtyq nómiri bar. Qurastyrýshalardyń aıtýynsha, ushatyn avtomobıl 2019 jyly satylymǵa shyǵady.