• USD 468.56

  • EUR 497.56

  • RUB 7.3

  • CNY 67.18

29 Naýryz, 18:10:08
Almaty
+35°

20 Aqpan, 2018 Alash-Orda

Maks Boqaevtyń anasy: Meniń ulym – kóp azamattyń biri (vıdeo)

Atalǵan jıynǵa kelgenderdiń qatarynda jer úshin beıbit sherýge shyqqan Maks  Boqaevtyń anasy Rahıla Qojasova da boldy.

2017 jyly 25 jeltoqsanda Alashordanyń qurylǵanyna  100 jyl tolýyna oraı Qamshy.kz aqparat agenttigi  ıgi jaqsylardyń basyn qosyp, «Alash arystarynyń 100 izbasaryn» marapattaǵan bolatyn.

Atalmysh jıynǵa kelgenderdiń qatarynda jer úshin beıbit sherýge shyqqan Maks  Boqaevtyń anasy Rahıla Qojasova da boldy. 

— Búgin Alash Ordanyń 100 jyldyǵyna oraı úlken jıyn ótip jatyr. Árıne Alash Ordanyń orny bólek. О́li razy bolmaı tiri baıymaıdy demekshi, osy Alash arystarynyń arqasynda biz tátti tamaq iship, aq saraıda otyryp, jaıbyraqat ómir súrip jatyrmyz.  Alash arystaryn eske alyp, jıynǵa qazaqtyń birtýar azamattary men azamatshalaryn shaqyrǵanyna dán rızamyn, – degen Rahıla Qojasova uıymdastyrýshylarǵa alǵys aıtty.

— Qazirgi jastardyń bári bilimdi, sanaly. Tek sol jastardy jetelep, baǵyt-baǵdar kórsetetin úlken býyn qajet. Kóbinese biz jastardy synap jatamyz, alaıda jastar jaman bolsa da, biz olardy óz balamyzdaı kórýimiz kerek. Meniń ulym Maks Boqaev 2016 jyly 23 sáýirde beıbit mıtıngke shyǵyp, «Jerdi satpaıyq, jerdi sheteldikterge bermeıik» degen sózi úshin 5 jylǵa sottalyp, túrmede otyr, — dep óz ulynyń aýyz toltyryp aıtarlyqtaı batyrlyq jasamaǵanyn, tek óziniń azamattyq boryshyn ótegenin aıtyp ótti.

— Biz balalarymyzdy patrıottyq sezimde tárbıeleýimiz kerek. Bizdiń búgingi Alashordany nasıhattaýymyz azdyq etedi. Radıoda, teledıdarda qazaqtyń kúmbirlegen kúıi men dástúrli áni jıi kórsetilip tursa, jastardyń órisi keńeıip, jigeri artady. Osyndaı is-sharalardyń sany kóbeıip, halyqqa jıi nasıhattalsa, nur ústine nur bolar edi. Meniń ulym – kóp azamattyń biri. Amandyq bolsa, ol da keler. Biraq maǵan, árıne, ońaı emes. Halyqqa kóp raqmet aıtqym keledi. Bireýi ishteı, endi biri syrttaı qoldap jatyr. Halqymyz aman bolsyn! Birligimiz jarassyn! — dep, keleshek jastardyń osyndaı jaqsy dástúrdi jalǵastyratynyna senim bildirdi. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir