• USD 468.56

  • EUR 497.56

  • RUB 7.3

  • CNY 67.18

28 Naýryz, 12:57:36
Almaty
+35°

19 Aqpan, 2018 Alash-Orda

Qaldybaı Ábenov: Qazaq birin-biri demep júrse, almaıtyn qamaly joq

Qazaq halqynyń qashan da kózi ashyq, júregi taza bolǵan. Artyna jaltaqtamaǵan...

2017 jyly 25 jeltoqsanda Alashordanyń qurylǵanyna  100 jyl tolýyna oraı Qamshy.kz aqparat agenttigi  el aǵalarynyń basyn qosyp, «Alash arystarynyń 100 izbasaryn» marapattaǵan bolatyn.

Marapatqa ıe bolǵan tanymal rejısser, «Allajardyń» avtory Qaldybaı Ábenov múshkil halge túskenine qaramastan keshtiń qadirli qonaǵy bolyp, alash jurtyna degen ystyq yqylasyn bildirdi.  

–Birinshiden, dushpanymyzdyń úreıin qashyryp, alash jurtynyń basyn biriktirip otyrǵan «Qamshy» portalynyń ujymyna alǵysymdy bildiremin. Qamshy degen attyń ózinde qanshama mán jatyr. Osyǵan laıyq bolyp, bolashaqta qazaq úshin eńbektene berińder, - deı kele Qaldybaı myrza qazaq halqynyń boıyndaǵy qasıetterge toqtalyp ótti.

–Halyq aıtsa, beker aıtpaıdy. Meni osy marapatqa laıyq dep sanasa, alǵystan basqa aıtarym joq. Qazaq halqynyń qashan da kózi ashyq, júregi taza bolǵan. Artyna jaltaqtamaǵan. Osy asyl qasıetterdiń áserinen ata-babamyz ańsaǵan búgingi kúnge jettik. Búginde sol qazaqqa yntymaq-birlik kerek. Tatý-tátti bolyp, bir-birimizdi demep júrsek, biz almaıtyn qamal joq, - dedi.

Sonymen qatar, halyqtyń daýys berýi nátıjesinde «Alash izbasary» tós belgisine ıe bolǵany úshin tolqyp turǵanyn da jasyrmady.

Halqyna «Allajardy» syılaǵan Qaldybaı Ábenovtiń búginde jaǵdaıy máz emes. Bes jyl buryn ınsýlt alyp, sonyń saldarynan júrip-turýy qıyndaǵan. Bir aı buryn Qamshy.kz aqparat agenttiginiń tilshisi rejısserdiń úıine baryp, kóńilin surap qaıtqan. Sonda Qaldybaı myrza ózin osyndaı jaǵdaıǵa túsirgen jaıttardy esine alyp, búgingi qazaq kınosynyń kemshilikterin jaıyp salǵan bolatyn.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir