«Alash ıdeıasyn nasıhattaý — Maǵjan Jumabaıuly jaıly kitap jazý emes»

2017 jyly 25 jeltoqsanda Alashordanyń qurylǵanyna  100 jyl tolýyna oraı Qamshy.kz aqparat agenttigi  ıgi jaqsylardyń basyn qosyp, «Alash arystarynyń 100 izbasaryn» marapattaǵan bolatyn.

— Birneshe aı júrgizilgen saýalnama nátıjesinde halyq sizdi «Alash izbasary» ataǵyna laıyq dep tapty. Qazir «Alash izbasary» medalin qolyńyzǵa aldyńyz. Endi óz ishki sezimińizben bólisseńiz.

— Medaldyń atyn estigende soǵan laıyq emespin-aý dep uıaldym. Biraq kelgenshe ózimdi bir nársemen jubattym. Men Alashtyń izbasary bolsam tek armanynyń izbasary shyǵarmyn. Naqty olardyń istegen eńbekteriniń, olardyń kózdegen maqsattarynyń izbasary bolyp, sol jaqqa qaraı umtylýǵa naqtyly qadam jasamaǵannan keıin óziń ishteı uıalasyń.

Alash ıdeıasy qazaqpen birge jasamaq. Alash ıdeıasy ólgen kúni, qazaq ultynyń joıylǵan kúni bolady. Ol daýsyz. Sol jaǵynan alyp qaraǵanda armany ortaq dep bergen shyǵar. О́zimdi Alashtyń izbasary dep aıtýǵa laıyqtymyn, osyǵan saımyn dep aıtýǵa oǵan asa...

— Degenmen de halyq sizdi laıyq dep tapty. Alash ıdeıasyn urpaqqa jetkizý maqsatynda qandaı is atqarmaqsyz?

— Biz bir nárseni eskerip alýymyz kerek. Alash ıdeıasyn nasıhattaý — Ahmet Baıtursynuly týraly aıtý, Maǵjan Jumabaıuly jaıly kitap jazý emes. Ol qazirgi qazaqtyń kem-ketigin túzep, erteńgi bolashaqqa bara jatqan qazaq osy qalpynda óziniń mártebeli tulǵasymen, bolmysymen, salt-dástúrimen, tilimen  aman-esen jetýge at salysýy. Naqytyly qadam da sol. Jańa ǵana aǵalaryma da aıtyp óttim, eń basty másele – til máselesi, sosyn qazaqtyń memlekettegi ulttyq statýsy.