• USD 468.56

  • EUR 497.56

  • RUB 7.3

  • CNY 67.18

28 Naýryz, 20:21:37
Almaty
+35°

16 Aqpan, 2018 Uly kósh

«Qıyrdaǵy qazaqtar» derekti fılmi — tolyq nusqa (vıdeo)

«Qıyrdaǵy qazaqtar» derekti fılmder toptamasynyń Mońǵolııa qazaqtaryna arnalǵan bólimi kóptiń kóńilinen shyqty.

Búgin Astanada sheteldegi etnıkalyq qazaqtarynyń tarıhy men búgingi áleýmettik turmysyn baıandaıtyn «Qıyrdaǵy qazaqtar» derekti fılminiń tusaýkeseri ótti, dep jazady Qamshy.kz tilshisi. Bul 8 bólim bolady dep josparlanǵan alys-jaqyn shetelderde ómir súretin qazaqtar týraly fılmniń alǵashqy serııasy.

Ár bólimi 40 mınýttan jasalatyn atalǵan jobany QR Aqparat jáne kommýnıkasııalar mınıstrligi 2017 jyly shildede josparlap, júzege asyrdy. Derekti fılm ulttyq sana men tól tarıhty jańǵyrtý, alys-jaqyn shetelderde turyp jatqan qazaqtardyń shynaıy ómirin kórsetý maqsatynda túsirilgen. Fılmge kásipker Oralbek Botbaı demeýshilik etken.  Jospar boıynsha fılm aǵylshyn tiline aýdarylady.

Túsirilim toby óte aýqymdy jumystardy atqarǵan. Reseıdiń Astrahan, Mońǵolııanyń Ulanbatyr qalasyn, О́zbekstan astanasy Tashkenttegi Kenımeh aýdanyna deıingi jáne Tájikstannyń Hýdjand qalasyna deıingi jerdi, bas aıaǵy on myńdaǵan shaqyrym joldy basyp ótken. Ǵajaıyp tarıhı oryndardy kózimen kórip, erekshe taǵdyr ıelerin taspaǵa túsirgen.

Astanada tusaýkeseri ótken «Qıyrdaǵy qazaqtar» derekti fılmder toptamasynyń Mońǵolııa qazaqtaryna arnalǵan bólimi kóptiń kóńilinen shyqty. Týyndyda Ulanbatyr qalasy men oǵan jaqyn ornalasqan Nalaıhan aýdanynda ǵumyr keship jatqan etnıkalyq qazaqtardyń búgingi tirshiligi kórsetiledi. Derekti fılmdi túsirý barysynda QR SIM birlese otyryp, joǵaryda jazylǵan elderdegi QR elshilikterimen birlesken jumys atqarylǵan.

«Bul - Elbasynyń «Rýhanı jańǵyrý» baǵdarlamalyq maqalasyn júzege asyrý maqsatynda qolǵa alynǵan joba. Eń bastysy, bul jobany tek qana bastama dep esepteımiz. Shetelde 5 mıllıonǵa jýyq qazaqtyń turyp jatqany bizge belgili. Sondyqtan, olarǵa biz erekshe nazarmen qaraımyz. Ekinshi jaǵynan Elbasy aıtqandaı, olarǵa Qazaqstannyń árqashan esigi ashyq. 25 jyldyń ishinde 1 mıllıonǵa jýyq qandastarymyz elge keldi. Derekti fılmdi demeýshilik etken Oralbek Botbaı myrzaǵa, «Qazkontent» basqarmasynyń tóraǵasy Evgenıı Kochetov myrzaǵa zor alǵysymdy aıtqym keledi. Qany qazaq bolmasa da, zaty qazaq (Kochetov týraly - avt.). Osyndaı jobany ózi (Evgenıı Kochetov - avt.) usyndy», - dedi fılmniń tusaýkeserinde QR Aqparat jáne kommýnıkasııalar mınıstri Dáýren Abaev.

Mańyzdy is-shara qandastardyń tarıhı otanynan beıimdelý máselerine taǵy bir nazar aýdarýǵa jáne tarıhı otanynan tys ómir súrip jatqan etnıkalyq qazaqtardyń máselelerin kóterýge jol ashady.

 

Atalǵan joba Dúnıe júzi qazaqtary qaýymdastyǵynyń 25 jyldyǵyna arnalyp otyr. Derekti fılmniń maqsaty – Qazaqstan Respýblıkasynyń prezıdenti N.Á. Nazarbaevtyń «Bolashaqqa baǵdar: rýhanı jańǵyrý» maqalasynyń aıasynda ulttyq sanamyzdy jańǵyrtý jáne tól tarıhymyzǵa tyń serpilis ákelý. Alys-jaqyn shet elderdegi qazaqtardy otanymyzǵa oralýǵa nasıhattaý.

Nurgali Nurtay

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir