Altaıdan Anadolyǵa, Anadolydan Atajurtqa deıin (vıdeo)

25 qańtar kúni Almatyda «Ystambuldan shyqqan qazaq» atty derekti fılmniń tusasý keseri ótti, dep jazady Qamshy.kz tilshisi.

Fılmde Altaıdan Anadolyǵa aýǵan qazaqtardyń taǵdyry baıandalady. Bas keıipker Múftıhan aqsaqal 1943 jyly Qytaıda týǵan. Ol 1951 jyly bosqan kóshpen birge Túrkııaǵa jetken. 1999 jyly elge oralǵan qarııa Qazaqstandaǵy turmysyna shúkirshilik etip, óziniń ótken ómirin baıandaıdy. Al, Túrik topyraǵynda týyp-ósken Ilııas Kerim Atajurtqa kelýdi armandaıdy.

Fılmdi Dosym Sátbaevtiń jeke mádenı-aǵartýshylyq qorynyń qoldaýymen rejısser Raıhan Rahım túsirgen. Rejısser fılmdi asharshylyq jyldary bosqyn bolyp shetke aýyp, 1954 jyly elge oralǵan, oqyǵan ıntellaıgensııa bolǵanyna qaramastan ómiriniń sońyna deıin ot jaǵýshy bolyp jumys istegen atasy Toqaı Maılyqaraulyna arnaǵan.