• USD 468.56

  • EUR 497.56

  • RUB 7.3

  • CNY 67.18

29 Naýryz, 11:06:36
Almaty
+35°

15 Qańtar, 2018 Memlekettik baǵdarlamalar

QR Prezıdenti N.Á. Nazarbaev  2018 jylǵy 10 qańtarda Qazaqstan halqyna «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Joldaýyn jarııalady.

Osy oraıda QR Ulttyq kitaphanasynyń basshylyǵy men qyzmetkerleri Elbasynyń joldaýyn qyzý talqylap, úlken qoldaý kórsetýde. Jumys kúnin Prezıdent N.Á. Nazarbaevtyń Joldaýymen tanysýdan bastaǵan kitaphana ujymy Joldaýda atalǵan mindetterdi jan-jaqty talqylady. Prezıdent óz Joldaýynda el damýynyń 10 negizgi mindetin naqty kórsetti.

QR Ulttyq kitaphanasynyń basshysy J.T.Seıdýmanov Elbasy joldaýyna qoldaý bildire otyryp, Joldaýdyń «Adamı kapıtal – jańǵyrý negizi» jetinshi tarmaǵyna erekshe toqtalyp ótti.

Adamı kapıtaldyń jańǵyrýy kitaphana isimen tikeleı baılanysty. О́ıtkeni, kitaphanalardyń basty maqsaty - sapaly adamı kapıtaldy arttyrýǵa yqpal etý, joǵary bilimdi, jan-jaqty urpaq qalyptastyrýǵa úles qosý. Osy oraıda, Ulttyq kitaphananyń basty mindetteriniń biri –turǵyndardyń oqýǵa qushtarlyǵyn arttyrý arqyly memleketimizde kitap oqýdyń bedelin kóterý, jas urpaqty oqýǵa tartý jáne tóltýma mádenıetimizdi saqtap qalý. Joldaýda aıtylǵan adamı kapıtal sapasyn nyǵaıtý jáne ulttyń rýhanı, ıntellektýaldy serpilisiniń qajetti quraly retinde halyqty oqýǵa tartýǵa, ǵylymı-tehnıkalyq, ǵylymı-tanymdyq ádebıetterdi usynýǵa, olardyń zamanaýı bilim alýyna barlyq múmkindikterdi jasaýǵa tıispiz. Osy arqyly qazirgi jastardy óziniń tarıhyn, tilin, mádenıetin biletin, sondaı – aq zamanyna laıyq, shet tilderin meńgergen, ozyq ári jahandyq kózqarasy bar adamı kapıtalyn qalyptastyrǵan  bizdiń qoǵamymyzdyń ıdealyna aınaldyrýǵa mindettimiz, - dedi Ulttyq kitaphananyń dırektory J.T.Seıdýmanov.

Sonymen qatar QR Ulttyq kitaphanasynyń jastarynan quralǵan Jastar keńesi keń aýqymdy talqylaý jasap, joldaýdyń mańyzy men onyń erekshelikterine toqtalyp, jeke oı-pikirlerin ortaǵa saldy.

«Biz Elbasynyń Qazaqstan halqyna Joldaýymen tanystyq. Endi kórsetilgen 10 baǵyt-baǵdar boıynsha jumys istep, kúsh salamyz. Onyń ishinde jańa tehnologııalardy damytýǵa úles qosý úshin kitaphana isinde onlaın qyzmet kórsetý men elektrondy basylymdarǵa basymdyq berýdi jalǵastyratyn bolamyz», - dep «Jastar keńesiniń» tóraıymy Aıkenje Jaqsylyqqyzy talqylaýdy qortyndylady.

Elbasynyń Qazaqstan halqyna kezekti Joldaýy mańyzdy tarıhı qujat. Ol bizdiń bolashaǵymyz, memleketimizdiń jarqyn bolashaǵy. Ulttyq kitaphana mamandary Joldaýdy qoldaı otyryp, ony júzege asyrýǵa árbir kitaphanashy óz eńbegimen, óz qyzmetimen óz úlesin qosatyndaryna úlken senim bildirdi.

QR Ulttyq kitaphanasynyń Baspasóz hatshysy Aqbota Musabekqyzy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir