Elbasy Joldaýy – Máńgilik el irgesin qurýdaǵy qarymdy mindetter

Abaı atyndaǵy Qazaq ulttyq pedagogıkalyq ýnıversıteti, Tarıh jáne quqyq ınstıtýtynda Qazaqstan Respýblıkasynyń Prezıdenti N.Á.Nazarbaevtyń «Qazaq­stan­nyń Úshinshi jańǵyrýy: jahan­dyq básekege qabilettilik» atty Qazaq­stan halqyna Joldaýy  atty halyqqa arnaǵan Joldaýyn ınstıtýttyń professor-oqytýshylar quramy jáne stýdentteri men magıstranttary arasynda keńinen nasıhattaý maqsatynda aýqymdy dóńgelek ústel ótkizdi.

Qatysýshylarǵa  ınstıtýt dırektory tarıh ǵylymdarynyń kandıdaty, professor Bolat Saǵıdollauly Jumaǵulov egemendi elimizdiń kemel keleshegi men jarqyn bolashaǵyn baǵamdaı bilgen Elbasymyz Nursultan Ábishulynyń Máńgilik el irgesin qurýdaǵy qarymdy mindetterdi aıqyndap bergen asa mańyzdy tapsyrmalaryn júzege asyrý maqsatynda uıymdastyrylyp otyrǵan sharanyń negizgi mánin tarqata kele, bıylǵy 2017 jyldyń mańyzdylyǵyna toqtalyp ótti.

Bıylǵy jyl «Egemen Qazaqstan» gazetinde Elbasynyń «Bolashaqqa baǵdar: Rýhanı jańǵyrý» maqalasy jarııalanyp, munda eldiń bolashaǵyn aıqyndaıtyn mańyzdy mindetter atap kórsetildi.

Sonyń ishinde Memleket basshysy aldaǵy jyldary elimizdiń kezeń-kezeńimen latyn álipbıine ótetindigin aıtqan bolatyn jáne soǵan sáıkes birqatar mindetter júktegen. «Bıylǵy Elbasy Joldaýy men «Bolashaqqa baǵdar: Rýhanı jańǵyrý» baǵdarlamasy bir-birimen úndes», – dedi biraýyzdan sharaǵa jınalǵan qaýym.

Dóńgelek ústel barysynda «Qylmystyq  quqyqtyq pánder» kafedrasynyń meńgerýshisi, zań ǵylymdarynyń doktory, professor B.Tóleýbekova: «Elbasy Nursultan Nazarbaevtyń Qazaqstan halqyna Joldaýyndaǵy ulttyq quqyqtyń qazirgi tańdaǵy úderisteri men damýy»taqyrybyndaǵy baıandamasynda elimizdiń óz táýelsizdigin alǵan az ǵana jyldyń ishinde shyǵarylǵan zańdar men normatıvtik aktilerdiń sany men onyń mańyzdylyǵyna toqtalyp, sol qabyldanǵan zańdardyń el ıgiligi jolynda qyzmet atqaratyn tektikterin stýdentter men magıstranttarǵa túsindirip ótti.

Dóńgelek ústeldegi baıandamashylardyń barlyǵy-derlik qazirgi álemdik daǵdarysqa toqtalmaı kete almady.

О́z sózinde professor Bahytjan Hasenqyzy álemdik daǵdarys eldi qyspaqqa alǵan kezeńde azamattyq quqyqtyq qaǵıdalardyń durys jolǵa qoıylýy óz nátıjesin beretindigin túbegeıli túsindirip ketti.

Ol Elbasynyń jastarǵa degen senimin alǵa tarta otyryp, óz mamandyǵy boıynsha sapaly bilim ala bilgen stýdent pen magıstranttyń bolashaqqa nyq qadammen baratyndyǵyn basyp aıtty.

«Álemdik daǵdarys jáne odan shyǵý joldary (N.Á.Nazarbaevtyń joldaýy negizinde)» atty taqyrypta keń aýqymdy baıandama jasaǵan Álem tarıhy kafedrasynyń professory, saıasattanýshy Ǵalı Ázimbaı Beısetbaıuly damyǵan memleketterdiń tarıhı damý jolyn negizge ala otyryp, Qazaqstannyń syrtqy saıasatynyń durys baǵytta kele jatqandyǵyn saralap berdi.

Qazirgi tańda álemdegi alpaýyt elderdiń bir-birine sanksııa jarııalap, ekonomıkasyn quldyratyp jatqandyǵyn sonymen qatar, egemendi elimizdiń taýar aınalymy naryǵynda eshqandaı kedergige ushyramaı otyrǵandyǵyn sol syrtqy saıasattyń durys órbýimen baılanystyrdy. Ol sóz aıaǵynda daǵdarystan shyǵar joldyń kilti — Elbasynyń salıhaly saıasatyn tolyq  qoldaı bilý kerektigin alǵa tartty.

«Elbasy Joldaýy – egemendi elimizdiń áleýmettik-ekonomıkalyq órkendeýiniń negizgi baǵyty» atty taqyrypty alǵa tartqan Memlekettik jáne azamattyq quqyqtyq pánder kafedrasynyń professory Aqqasov Baqytjan Qalıhanuly Qazaqstan halqynyń onyń ishinde qazaq halqynyń basynan ótken birtalaı náýbetterin eske túsire otyryp, bilimdi jastary bar,  aýyzbirligi jarasqan eldiń bolashaǵy qashanda jarqyn bolatynyna senim tartty.

Ol munaı barrelin, dollar baǵamyn kúndelikti esepteýmen eńseni túsire bermeı, kerisinshe, Elbasy Joldaýyndaǵy bilim berý júıesine berilgen ıgilikterdi oryndy paıdalana bilý qajettiligin atap ótti.

Saıasattaný ǵylymdarynyń kandıdaty, «Tarıh jáne qoǵamdyq pánderdi oqytý ádistemesi» kafedrasynyń aǵa oqytýshysy Tımýr Daýylbaev «Qazaqstandaǵy toleranttylyq» taqyrybynda elimizdegi toleranttylyqtyń konstıtýsııalyq negizi jáne etnosaralyq kelisimder men jaýaptylyq negizderine tereńnen toqtalyp ótti.

Egemendi elimiz kópultty memleket bolǵandyqtan halyqaralyq sharttar men enosaralyq kelisimderdiń toleranttylyq mańyzdylyǵyna taldaý jasady.

Baǵdarlamaǵa saı sóz alǵan «Fılosofııa» mamandyǵynyń 2 kýrs magıstranty, oqý ozaty Aıtpaev Dýman Daýlethanuly: «Elbasy Joldaýy el damýynyń kepili» taqyrybynda óz oıyn ortaǵa saldy.

Elbasynyń Joldaýyndaǵy jastarǵa júktelgen talap pen artylǵan senimge toqtalyp, stýdentter men magıstranttardy kásibı bilikti maman bolyp shyǵýǵa shaqyrdy.  Magıstranttan keıin sóz alǵan «Quqyqtaný» mamandyǵynyń 1 kýrs, belsendi stýdenti Manap Aıbek Turarbekuly «Bilimdi jastar – jarqyn bolashaq» atty taqyrypta tartymdy baıanamasynda Elbasynyń:  « órtinshi basymdyq – adamı kapıtal sapasyn jaqsartý. Birinshi. Eń aldymen, bilim berý júıesiniń róli ózgerýge tıis. Bizdiń mindetimiz – bilim berýdi ekonomıkalyq ósýdiń jańa modeliniń ortalyq býynyna aınaldyrý. Oqytý baǵdarlamalaryn synı oılaý qabiletin jáne óz betimen izdený daǵdylaryn damytýǵa baǵyttaý qajet. Sonymen birge, IT-bilimdi, qarjylyq saýattylyqty qalyptastyrýǵa,  ultjandylyqty damytýǵa basa kóńil bólý kerek. Qala men aýyl mektepteri arasyndaǵy bilim berý sapasynyń alshaqtyǵyn azaıtý qajet» — degen sózine erekshe toqtaldy.

Ol óz sózimen: « … Bul jerde árbir jasqa qolyńa kúrek alyp, shahtaǵa tús» degen sóz emes, kemel Kóshbasshymyzdyń «árbir jas óz mamandyǵy boıynsha otqa da sýǵa da túsýge tas túıin  daıyn bolý kerek degeni» dep tereńnen túsindirip ótti.

Tarıh» mamandyǵynyń  belsendi 1kýrs stýdenti Qusbaq Yrys Dáýletqyzy «Qazaqstan-2050: Memlekettik bilim berý júıesiniń jańa belesteri» taqyrybyndaǵy baıandamasynda: joǵary oqý ornyna deıin de mektepte júrgen kezinde Elbasy Joldaýyna mán beretinin aıta kele, qaı Joldaýda bolmasyn jastarǵa jáne bilim berý júıesine erekshe kóńil bólinetinin arqaý etti.

Bıylǵy Joldaýda da kásibı tehnıkalyq mamandyqtardyń tegin bilim alýyna qolaıly jaǵdaı jasalatynyn jáne jylma-jyl shákirtaqylardyń ósetinin Elbasynyń tikeleı qoldaýy dep túsinetinin bildirdi. Jastardy Elbasy Joldaýyndaǵy talaptar men mindetterdi qaltqysyz oryndap, artylǵan senimnen shyǵa bilýge shaqyrdy.

Baıandamashylardan keıin ınstıtýt dırektory Bolat Saǵıdollauly qatysýshylarǵa óz oı-pikirleri men suraqtaryn ortaǵa salýlaryn usyndy. Resmı baıandamashylardan keıin ınstıtýttyń Ardagerler keńesiniń tóraǵasy, tarıh ǵylymdarynyń doktory, professor Adelhan Nurǵalıuly Qudaıbergenov sóz alyp, Elbasy Joldaýyn nasıhattaýǵa baǵyttalǵan is-sharanyń mańyzdylyǵyna toqtaldy.

Ol óz sózinde Elbasynyń barlyq Joldaýlaryn saralaı kele, ishindegi ekeýin jeke atap ótti. Birinshisi 1997 jylǵy «Qazaqstan-2030»  jáne 2012 jylǵy «Qazaqstan-2050» kópjyldyq baǵdarlamalarynyń el tarıhyndaǵy alar ornyna  arnaıy túsindirme berdi.

Tarıh ǵylymdarynyń doktory, professor Nesipbaeva Kalııa Rahımovna  Elbasy Joldaýynyń mańyzdylyǵy jóninde óz oıyn ortaǵa saldy.  Baıandamashylarǵa stýdentter men magıstranttar túrli saýaldar qoıyp, jaýabyn alǵan stýdentter men magıstranttar óz rızashylyqtaryn bildirý arqyly dóńgelek ústel tartymdy ótti.

«Máńgilik el bolady, máńgilik daǵdarys bolmaıdy» — dep óz sózin túıindegen ınstıtýt dırektory, professor B.S. Jumaǵulov baıandamashylardyń jáne sóz sóıleýshilerdiń oı-pikirlerin qorytyndylaı kele, is-sharanyń maqsaty boıynsha sheshim qabyldaýǵa shaqyryp, biraýyzdan kelesideı sheshim qabyldandy:

Elbasy Joldaýyn ınstıtýttyń professor-oqytýshylar quramy jáne stýdentter men magıstranttar biraýyzdan qoldaıdy.

Elbasy Joldaýyn nasıhattaý ınstıtýttaǵy tárbıe jumystaryn uıymdastyrýda basshylyqqa alynsyn.

Elbasy Joldaýyn nasıhattaý jumysy kásibı-baǵdar berýge arnalǵan sharalar kezinde de júzege asyrylsyn.

 

Ǵalymjan BITURSYN,

Abaı atyndaǵy QazUPÝ,

Tarıh jáne quqyq ınstıtýtynyń

Tárbıe isi jónindegi dırektor orynbasary