• USD 468.56

  • EUR 497.56

  • RUB 7.3

  • CNY 67.18

29 Naýryz, 13:35:33
Almaty
+35°

13 Qarasha, 2017 Memlekettik baǵdarlamalar

«Attila group»  kompanııasy jarııalaǵan «40 saǵatta 10 mıllıon teńge tapqyńyz kele me?» baıqaýynyń ýaqyty aıaqtaldy. Resmı esh qatysýshy tirkelgen joq. Tek Joldas Nursultan (Malaızııa), Bedelbek Saılanbek syndy azamattar habarlasyp, qazaq álipbıiniń konverterin jasaýmen birneshe jyl aınalysyp kele jatqandaryn, sapaly konverter jasaý úshin qıyndyqtardyń kóp ekenin jetkizdi. Sonymen bul taqyryp týrasynda birneshe derekti jarııalaımyz:

1. Bıylǵy tamyz aıynda Sh.Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵynyń usynysymen «Attila group» kompanııasy «qazlatyn.kz» saıtyn iske qosqan. 11-shi qyrkúıekte Parlament qabyrǵasynda ótken Latyn álipbıi týraly tyńdaýda osy konverter negizinde baıandama jasaý kompanııa ókiline júkteldi.

2. Parlament tyńdaýynda aıtylǵan konverter taqyryby Mádenıet jáne sport mınıstri A.Muhamedıulynyń nazaryna iligip, sapaly konverter jasaýǵa qarjylyq smeta jasaldy.

3. Jaqynda Úkimet tarapynan Latyn álipbıine negizdelgen qazaq álipbıiniń konverterin jasaýǵa 56 mln. teńge qarastyrylyp jatqany habarlandy.

4. О́zderin programmıst dep ataǵan Rymbek Izǵalı, Arshat Oraz, t.b. azamattar konverter jasaýǵa «eshqandaı qarjy ketpeıtinin», «2 saǵat ýaqyt jetkilikti ekenin», «álipbılerdi bir-birine konvertasııa jasaý túkke turmaıtynyn» málimdep, «Attila group» kompanııasy memleketke jalǵan smeta usynyp otyr» dep kinálady.

5. Áleýmettik jelilerdegi osy pikirlerdi eskere otyryp, «Attila group» kompanııasy «2 saǵatta emes 40 saǵatta konverter jasaǵan adamǵa 10 mıllıon teńge syıaqy beretinin» jarııalady. Nátıjesinde eshqandaı programmıst bul baıqaýǵa qatyspady. Tek Rymbek Izǵalı myrza feısbýktegi jeke paraqshasynda «ıdeal konverter jasaý múmkin emes» degen pikir aıtty.

6. Bir anyǵy — qazirgi ýaqytta qazaq álipbıiniń konverterin jasaýǵa Úkimet tarapynan 56 mln. túgili 56 teńge bólingen joq.

7. «Attila group» kompanııasy óz kezeginde álem qazaqtaryna ortaq, sapaly konverter jasaýǵa 560 mln. teńge bólinse de kóptik etpeıdi degen pikir ustanady. О́ıtkeni qazaq álipbıiniń konverteri memlekettik til mártebesine, «álem qazaqtarynyń rýhanı tutastyǵyna»(N.Nazarbaev), urpaq sabaqtastyǵyna, ulttyq qaýipsizdikke tikeleı qatysty. 

Qazaq tili — Qazaqstan Respýblıkasynyń memlekettik tili. Qazaqstan – álemdegi bar qazaqtyń Otany. Endeshe dúnıejúzindegi 17 mıllıon qazaqtyń qajeti úshin jasalatyn konverter aty bar, zaty joq, ýaqyttyq, kóz aldaıtyn dúnıe bolmaýy tıis.
Memlekettiń ár tıynyna alańdaǵan azamattar ár qazaqtyń da múddesin qaǵys qaldyrmaǵany jón!

 

«Attila group»  kompanııasy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir