Petropavl men Pavlodar ataýy Kereı men Jánibek dep ózgere me?

2015 jyly Respýblıka kóleminde toılanatyn Qazaq handyǵynyń 550 jyldyǵyna baılanysty Petropavl men Pavlodar ataýyn Han  Kereı men Han Jánibek dep ózgertý kerek. Osy bastamany oqyrman talqysyna usynyp, saıtymyzda jazǵan bolatynbyz(http://qamshy.kz/?p=16716). Jurtshylyq tarapynan qyzý talqylanǵan bul usynysqa baılanysty jýrnalıster men qoǵam belsendileriniń pikirin bilgen edik. 

Bolat Múrsálim:

Usynysty qoldaımyn. Qazaq handyǵynyń negizin qalaǵan tulǵalarǵa qaı aqalanyń atyn berse de laıyq. Biraq, bul usynys memleket tarapynan qoldaý taba ma, joq pa - aıta almaımyn. О́ıtkeni, qala atyn ózgertýdiń óz prosedýrasy bar. Usynys jergilikti halyqtyń jáne qalalyq máslıhattyń qoldaýyna ıe bolýy kerek. Qalalyq Onomastıkalyq komıssııa qoldap, respýblıkalyq komıssııaǵa jiberedi degen sııaqty óz úrdisi bar. Bul zańdy jaǵy. Al, máseleniń saıası jaǵy taǵy bar. Onyń barlyǵy saıası elıta men ısteblıshmenttiń erik-jigerine baılanysty.

Aıdos Juqanuly:

Bılik mundaıdy qoldamaıdy. О́ıtkeni, bılik 23 jyl boıy orystildilerdiń qamyn jep keledi. Sondyqtan bul usynys olardyń ustanymyna qaıshy.

Qasym  Amanjoluly:

Mundaı jekelegen usynystar jıi shyǵyp kele jatyr ǵoı... Memlekettik bılikten qoldaý tappaıdy dep oılaımyn. Sebebi, Reseı bıliginde agressııashyl Pýtın, Qazaqstan bıliginde mámileshil Basshy otyrǵan kezde mundaı bastamalardyń eshqaısysy da júzege aspaıdy.

Rýza Beısenbaıtegi:

Qazaq handyǵynyń 550-jyldyǵy aıasyndaǵy usynystaryńyz óte oryndy, árıne. Eger bizdiń el otarlyq sanadan saýyqqan el bolsa bundaı usynysty 70 paıyzǵa taıap qalǵan qazaq ulty da (naqtyly búkil el ǵoı), bılik te eki qolyn kóterip qoldaýshy edi. Biraq Pýtındik Reseıge jaltaqtap otyrǵan bizdiń bılik mundaı sheshimdi qabyldaı qoıar ma eken? Tipti osy jaltaqtaǵan kúıimizde qala beremiz be dep qorqamyn. Aıtalyq, sońǵy kezderi bir Kerekýdiń ózinde qala ataýyn ózgertkisi kelmeıtin óz qandastarymyzdyń da qatary kóbeıgen sııaqty. Men sony baıqaımyn.

Maqsat Jaqaý:

Tolyq qoldaımyn. Biraq bılik zańǵa súıenedi. Al zańda jergilikti turǵyndardan hat túsip, qol jınalyp, arnaıy oblystyq quzyrly organdarǵa aryzdandanbasa Usynys júzege aspaıdy. Onyń ústine sol aımaqtaǵy halyqtyń basym bóligi orystar bolǵan soń, másele nátıjesiz qalýy taǵy múmkin. Bul jerde Elabsynyń saıası sheshimi qajet, tek qana sol kisiniń uıǵarymymen sheshiletin dúnıe bul!