24 Jeltoqsan, 2014 NEWS
Qazaq handyǵy – 550 jyl. Petropavl men Pavlodar Kereı men Jánibek atalsyn!
2015 jyl - Qazaq handyǵynyń 550 jyldyǵyn toılaımyz. Muny Elbasy Nursultan Nazarbaev aıtty, jurt bir aýyzdan qoldady. Atqarylatyn is-sharalar da aýqymdy. Bir jyl...
2015 jyl - Qazaq handyǵynyń 550 jyldyǵyn toılaımyz. Muny Elbasy Nursultan Nazarbaev aıtty, jurt bir aýyzdan qoldady. Atqarylatyn is-sharalar da aýqymdy. Bir jyl boıy Respýblıka kóleminde eldikti toılaımyz. «Qamshy» aqparattyq portaly da óz álinshe shyǵarmashylyq báıge jarııalap, Alash deıtin azamattardyń kómegimen 1,5 mıllıon teńge júlde taǵaıyndady. Sóıtip, jer-jerde, el-elde ısi qazaqtyń bári eleńdep otyr.
Árıne, dúrildetip toı toılaý, at shaptyryp, báıge berý - qazaq toıynyń ejelden kele jatqan eski dástúri. Tarıhtaǵy bálensheniń asy, túgensheniń toıy degen aıtylymdar sodan qalǵan. Al 2015 jyl – Kereı men Jánibek hanǵa as bereıik dep otyrǵan joqpyz. Eldigimizdi, tarıhymyzdy túgendeıik, barymyzdy bar dep, joǵymyzdy ys-tútekten arshyp alaıyq dep otyrmyz. Endeshe, 2015 jyl shyn mánindegi eldiktiń toıy bolsyn desek, tarıhymyzǵa kúıe, súıegimizge tańba bolyp kele jatqan Petropavl men Pavlodar ataýyn ózgertý kerekpiz. Eki oblys Han Kereı men Han Jánibek atanyp, oblys ortalyqtary Qyzyljar men Kereký atyn alsa babalar men urpaqtar aldyndaǵy bir paryzmyzdy oryndaǵan bolar edik.
Bul usynys birligi jarasyp, sútteı uıyp otyrǵan Qazaqstandaǵy ártúrli ult ókilderiniń de kóńilinen shyǵar dep oılaımyz. Ásirese, «El birligin» tý etken Qazaqstan halyqtary assambleıasy qos qoldap qýattaıdy degen senimdemiz.
Turdybek Qurmethan
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir