"Táńirshildikti" nasıhattaý kimge kerek?(Úndeý)

QR  Prezıdenti janyndaǵy

Adam quqyqtary jónindegi komıssııa Tóraǵasy,

QR Parlamenti Májilisiniń depýtaty

Q.S.Sultanov myrzaǵa

QR Parlamenti Májilisiniń

Áleýmettik-mádenı damý

Komıtetiniń músheleriniń nazaryna!

Qurmetti Qýanysh Sultanuly!

Qurmetti depýtattar!

Táýelsizdigine jıyrma jyl endi tolǵan Qazaqstannyń búgingi baqytyna, ata-babalarymyz arman tutqan táýelsizdigine ártúrli taraptan aqparattyq shabýyldaý jasalýda. Solardyń biri – qazaqtyń tarıhı sanasy, tarıhı sabaqtastyǵy, rýhanı, mádenı bolmysyna qatysty ártúrli jalań ıdeologııalar men túsinikterdi tyqpalaý jalǵasýda.

«Túbimiz – túrik, dinimiz – Islam, kitabymyz – Quran» deıtin Elbasy N.Á.Nazarbaevtyń ózi aýzyna alyp, alqaly jıynda sóılegen dýaly tirkesi qazaqtyń shyn rýhanı bolmysyn beınelep turǵandaı.

Alaıda, sońǵy ýaqyttary qazaqty táńirshildikpen bite qaınastyryp, osy bir túsinikke kóz úıretý faktileriniń oryn alyp otyrǵanyn aıtýymyz kerek. Ataýlar – qaısybir ulttyń, qoǵamnyń tarıhı kezeń jaıly pikirin qalyptastyratyn mańyzdy bir uǵym. Radıoǵa «Tengri FM», aqparattyq saıtqa «Tengrinews» dep nyspy qoıý, festıvalǵa «Tengri-2012» dep aıdar taǵý, áýedegi alyp monopolııa «AirAstana» kompanııasynyń korporatıvti bortta tegin taratylatyn jýrnalyna «Tengrı» esimin telýi, ishetin sýsyn men qaladaǵy qonaq úıge «Tengrı», týrıstik kompanııaǵa «Tengr týr» degen ataýdy japsyrý, qazaqtyń baıyrǵy ǵasyrlardan beri ustanyp kele jatqan musylmandyq dinine, ulttyq sıpatyna degen qarsylyqtyń kórinisi sııaqty.

Bul ataýlarmen yń-shyńsyz, biraq úzdiksiz túrde sińirilip jatqan «táńirshildik sındromyna» kıno, óner tili arqyly da úles qosylyp jatyr. «Qazaqfılmniń» rejısseri R. Ábdirashevtiń «V poıskah Tengrı» degen ekspedsııa uıymdastyrýy, Almatydaǵy art-galereıaǵa «Tengrı Ýmaı» dep at qoıý tárizdi qylyqtarǵa sońǵy ýaqyttary «Qazaqfılm» beınesinde memlekettiń qarjysynyń ózi úles qosa bastaǵanǵa uqsaıdy. Biz atalǵan sındromnyń kıno tilimen sińirilýine úles qosyp jatqan «Shal» fılmin aıtyp otyrmyz. Bul jóninde kınotanýshylardyń ózderi «táńirshildikti nashattaýda taptyrmaıtyn úlgili kıno boldy» dep jarysa baǵalap jazyp jatqany belgili. 

Quqyqtyq nıglızmnen arylýǵa tyrysqan eldiń azamattary retinde Konstıtýsııalyq quqyqtarymyzǵa súıene otyryp, kelesi saýaldarǵa burmalaýsyz naqty jaýap alǵymyz keledi:

1) Musylmandardyń halyqtyń 70 paıyzdan astam úlesin, olardyń dinı senim bostandyǵyn eskere otyryp, atalǵan fılmge quqyqtyq, dinı turǵydan azamattardyń, memlekettiń, tarıhı qalyptasý múddesine qaıshy tustary bar-joqtyǵyn anyqtaý maqsatynda quzyrly organdarǵa saraptama jasaýǵa usynys berýlerińizdi suraımyz.

2) Memlekettiń árbirimizdiń úlesimiz bar qazynasynan «Qazaqfılm» túsirgen táńirshilik nasıhattaıtyn kınosyna qarjynyń bólinýi halyqtyń, onyń ishinde jekelegen bizderdiń quqyqtarymyzǵa nuqsan keltirýdiń sıpaty emes pe?

3) Adam quqyqtary jónindegi Halyqaralyq Paktiler men Konvensııalarǵa saı, ózimizdiń ar ojdan bostandyǵymyz ben adam retindegi quqyqtarymyzǵa zalal keldi dep eseptesek sotqa júginý múmkindigi qandaı jáne Komıssııa elimizdegi jáne sheteldegi halyqaralyq tórelik sottaryna júgingen jaǵdaıda bizge qandaı kómek kórsete alady?

 «О́z quqyńdy bil!» qoǵamdyq tobynyń 

úılestirýshisi                                                                                           G. Serikhan

 «Tanym» shyǵarmashylyq uıymynyń 

atqarýshy dırektory                                                                               Z. Qaırat

 «Bereke» ulttyq dástúr negizderi» ortalyǵynyń              

jetekshisi                                                                                                A. Janbosyn