Ult jáne din – Qazaqstanda 4500 sekta jumys isteıdi

Búginde bútin Islamǵa búldirgi salýshylar kóbeıdi. Dástúrli dinimizdiń atyn jamylǵan lańkestik toptar apattar uıymdastyryp, jarylystar jasap jazalanar tusy dinniń tasasyna tyǵylýy úırenshikti jaıtqa aınaldy. Álem Islam dinimen terrorıstik áreketti sınonım retinde qarastyra bastady.

Neshe túrli adasqan toptar ustaǵany Quran bolǵanymen ustanǵan urany basqa bolyp, beıbit elge berekesizdik kirgizdi. Osyndaı sodyrlyq áreketerdiń barysynda halyqtyń dinge degen kózqarasy túbegeıli ózgermese de «ózindik» boljamdary shyǵa bastady. Dindegi jańalyqtar kóbeıdi. Búliktiń basy bizge de jetti. Qazir qyzý talqynyń tórinde turǵan sońǵy jetken soraqy aqparat Sırııadaǵy sodyrlardyń buryn «bizdiń» búldirshin bolǵan balǵyndarǵa buzaqylyqtyń basyn úıretip, beıbit kúnniń shyrqyn buzýǵa úndep otyr. Bes jasar bala «Kápirler, biz senderdi qyramyz, mýdjahıt bolamyz!»- deıdi. Olardyń túsiniginde namazǵa jyǵylmaǵan adamnyń bári kápir. О́mirge degen ózindik kózqarasy qalaptaspaı jatyp, ólim jaıly órekpigen ortada ósken balanyń erteńi ne bolmaq? Qazaq edik degendi qoıyp, qaza bolǵan namazymyzdy túgendep, ata-baba artynan atqan oǵynyń izimen atttandyryp otyrsa ońǵan kúı, berik bosaǵańnan ne qaıyr?!

El bolamyz dep besik túzegende, besigimizde jatqan búldirshinderimiz ana súti aýzynan keppeı «ajal» jaıly áńgimeni anyq aıtyp otyr. Bul dindegi erkindiktiń erteńimizge jasaǵan úlken qaterli shabýyly bolmaq. Qazaqstannyń negizgi dini Islam bolǵanymen basqa da dinderge keńshilik jasaǵan. Qazir sektalardyń kóbeıgeni sonshalyq, tipti sanynan jańylýǵa barasyń. Olardyń dandaısyǵany sonshalyq páterlerimizdiń esigin qaǵyp: «О́mirlerińizdi ózgertkilerińiz keledi me? Qıyndyqtan qalaı qutylýdyń jolyn úıretemiz!» - dep te Saentologııasynyń nasıhatyn júrgizdi. Basynda mán bermegen halyq keıinnen baryp kesirin túsinip sýyq qaraı bastady.

Qazaqstandaǵy teris aǵymdardyń keń etek alýynyń negizigi sebepteriniń atalmysh sektalarǵa bizdiń suranystardyń kópshiliginde . Keminde ár atalǵan sektanyń 1 000 – daǵan turaqty tutynýshylary bar. Resmı derekterge súıensek qazir Qazaqstanda 4500-nan astam sektalar jumys isteıdi eken. Din isteri jónindegi agenttiktiń málimdýinshe bul sektalar Qazaqstan Táýelsidik almaı turyp kelgen kórinedi. 2012 jylǵy qaıta tirkeý naýqanynda 4551 uıymnan ózderin zańnamalyq turǵydan rásimdegen 3088 qalǵan. Qazirgi tańda Qazaqstanda tıym salynyp Islam atymen shyǵyp júrgen sektalar mynalar eken:

Al Kaıda. Negizin qalaýshy Saýdııalyq ıslamshy Ýsama ben Laden. Alla Aıat. Negizin qalaýshy Abdýlllaev Farhat Mýhammedov. Almaty oblysy, Shonjy aýdany. Asbat ál-Ansar. О́zge laqaby: Partızandar lıgasy. Negizin qalaýshy Sheıh Hısam Shreıdı Aým Sınrıke. Negizin qalaýshy japon Seko Asahara Boz Gýrd. Negizin qalaýshy ázirbaıjandyq palkovnık Alparyslan Túrkesh Musylman baýyrlar. Negizin qalaýshy Hasan ál-Banna Ortalyq Azııadaǵy mýdjahıd jamaǵaty. О́zbekstan , Qyrǵyzstan, Qazaqstan, Reseıde ókilderi bar. ál Kaıdanyń orta Azııadaǵy fılıaly Shyǵys Túrkistandaǵy Islam partııasy. Negizin qalaýshylar Aısan Mahsým men Abdýqadır Iаpýsıýan О́zbekstandaǵy Islam qozǵalysy. Negizin qalaýshy Tahır Iýldashev Kúrd halyq kongresi. Negizin qalaýshylar Abdýlla Odjavın Lashkar ı Taıba. Negizin qalaýshylar Hafız Mýhammad Saıd Áleýmettik reformalar uıymy. Qazaqstanda 1998 jyldary bolǵan. Shyǵys Túrkistandy azat etý uıymy. Negizin qalaýshylar Maımatın Aızlat Talıban qozǵalysy. Negizin qalaǵan molda Mýhammed Omar Hızbýt Tahrır ál- Islam. Negizin qalaýshy Taqýıddın an-Nabhanı Fılasın. Osy aty atalǵan lańkestik uıymdar talaı eldiń tynyshtyǵyn buzdy. Bul tek teris aǵymdardyń bir parasy. Halyqtyń dinı saýatynyń tómendigin paıdalanǵan olar óz maqsattaryna ońaı jolmen jetip júr. Bizde «Iegovo» ortalyǵy men «Greıs» shirkeýi de qarqyndy jumys istep jatyr. Elbasyna ashyq hat jazatyn dárejege de jetken. Hrıstıan dinindegiler ózderi adasýshy bola tura, ishterinen ózderi adasýshy dep tapqan sektalar shyqqan. Mysalǵa: «Blagodat», «Marmondar», «Satanızm» tolyp jatyr. Ǵalamtor betinde keı qazaqtardyń da násránı dinin qabyldap jatqandyǵy týraly vıdeolar shyqty. Tipti qos qazaq ana tilimizde Isaǵa arnap án de aıtady https://www.youtube.com/watch?v=hfxHnH9p0_I. Biz ata-baba dinimizdi tolyqqandy halyq bolyp qabyldap, ilimin tanymasaq mynandaı adasýshy toptardyń qaqpanyna ońaı túsip qalamyz. Sırııaǵa ketken jastarymyzdyń da osyndaı máselelerdi teris túsingeninen týyndap jatyr emes pe? Urpaǵymyz untalyp ketpes úshin ata dinimiz ben ulttyq tárbıemizdi qatar damytýymyz kerek. Áıtpese, «tentegimiz» terrorıst, «soqtarymyz» sodyr bolyp ketpeýine kim kepil?!

Orynbasar Baqytbek