«Capital Bank Kazakhstan» "Arsenaldy" qarjylandyrady

 Ala dop,alaıaq aqsha! Qazir Qazaqstanda  kenje qalǵan sport túri  -  fýtbol. Keıingi jyldardaǵy «jylt» etken sáýle ǵana jankúıerlerdiń jappaı jylystaýynan aman saqtap tur. Qazaqstan aıaqdopshylaryn qaǵytpa ázilge qoljaýlyq qylatynda sátteri bolady. Ár sát saıyn jaýyr bolǵan «senimniń» arqasyn úmitpen sıpaı bergennen de jalyqqan shyǵar. El sengen oıynda, «teń salǵan gol» emes, teńselgen nátıjemen qaıta bergesin..Qazir qurama komandalarymyz qarjy jaǵynan bolsyn, qajyr jaǵynan bolsyn qajyp júrgendeı. Osy oraıda mynandaı bir aqparat el qulaǵyn eleń etkizdi. Osydan birneshe kún  buryn saıtymyzda «Samuryq-qazyna» ál-aýqat qorynyń Túrkııalyq «Galatasaraı» fýtbol klýbynyń demeýshisi bolǵandyǵyn estip, jaǵamyzdy ustaǵanbyz.

Sóıtsek, «Samuryqpen» qanatyn qatar qaǵatyn «bankterde» bar eken. Otandyq «Capital Bank Kazakhstan» Londondyq Arsenal fýtbol komandasymen 3 jyldyq kelisim shartqa otyrypty. Bul týraly komanda óz saıttarynda jazǵan eken.

Kelisim shart týraly Arsenaldyń kommersııalyq dırektory Ven Venketesham: «Biz bul kelisim shartqa qýanyshtymyz. Aǵylshyn  premer lıgasyndaǵy Qazaqstanmen alǵashqy seriktestik jumysty bastap otyrǵanymyz qýantady» deıdi. Al kapıtaly kóp « Capital Bank Kazakhstan » bankiniń dırektory Ǵanı О́zbekov: « О́te qýanyshtymyz. Biz aldymyzǵa aıqyn maqsat qoıyp, álemdegi myqty komandamen bıznes josparlarymyzdy júzege asyramyz. Arsenal álemdegi mıllondaǵan jankúıeri bar komanda » deıdi. Mıllıondaǵan jankúıeri bar komandaǵa mıllıardtaǵan qarjymyz ketetinin eskersek myń jerden jankúıer bolsań da janyń kúıedi eken. Otandyq  fýtbolǵa osy qarjyń onnan biri bólinip otyrma? Aqsha  shashý, ataq jııýǵa eń tóte jol ekenin eskersek, olarda qatelespegeni. Qazaqty nasıhattamaqshy-mys. Samuryqty bilgenmen Saryarqany tanymas túrikterge ter bolyp, Kapıtalyńdy bilgenmen Kazakhstan-ńdy tanymaıtyndarǵa jem bolyp júrmeıik.

О́ziń dıýanasyń, kimge pir bolasyń?

Orynbasar Baqtybekov