Qazaq sheneýnikteri. Túrme. Jylqy jyly

Qazaqııada eli úmit artyp, úkimet jaǵalaǵan aq jaǵalylardyń beıbit zamanda «repressııaǵa» ushyraýy tym jıilep ketti. Jańbyr jaýmaı sý boldy deýge negiz joq. Jel turmasa shór basy qımyldamas deıtinimiz taǵy bar. О́zi qalaǵan adamy kózinshe qylmys jasaǵasyn «halyq tańdaýyna» da tańdanyspen qaraısyń. Jurt kóńilinde joǵary qyzmettegilerdiń jaǵdaıy jaqsy bolýǵa tıis. Ásirese, zań salasyndaǵy laýazymdy tulǵalardyń asyǵy alshysynan. Bul qalyń buqaranyń oıy. Árıne, jalǵyz jalaqynyń janbaǵysqa járdemi bolmasa, qos qabatty úıdiń qabyrǵasyn qalaýǵa qysqalyq qylatyny bar. Soǵan qaramastan kóp kóliktiler men kóp qabattylar qatary kemigen joq. Qaı jolmen kirpishi qalansa da «pysyqtyǵyna» jamaı saldyq. Sóıte kele, syryn tanı «jemqorlyqqa» da túsinistikpen qaraı bastadyq. Bul úrdistiń tyń bastama emes ekeni málim. Baıaǵy barymta zamany men bı aýzyn baqqan dáýirdiń óz qalybyna saı «jemqorlyq» joly boldy. Kim maldy bolsa, sol zańdy. Baba jolyn balasyna úıretpese de, balaq tómen bylyqtardy tiriltýshi búgingi bılik basyndaǵy «keı» kisler. О́kinishtisi sol «keılerdiń» qatary kún sanap kemýdiń ornyna kemeldenip keledi. Keshe ǵana laýazym  taılaǵyn jetektegen Serik Ahmetov myrzanyń búgin taıqarǵa teris mingen túrin kórip otyrmyz. Atyshýly aǵalarymyzdyń arty da shýly boldy. Serik Ahmetov asa iri kólemdegi memleket qarjysyn jymqyrdy degen aıyp taǵylyp otyr. Qylmystyq kodekstiń 176-babynyń 4-bóligi, b tarmaǵynda qarastyrylatyn aýyr jemqorlyq qylmysyn (jaýapty memlekettik laýazymdaǵy adamnyń bıýdjet qarajatyn asa iri kólemde jymqyrýy) jasady dep aıyptaǵan. Bıylǵy 2014 jyldyń  ózinde mynandaı laýazymǵa tulǵalardyń ústinen qylmystyq is qozǵalǵan.

1. Baǵdat Máıkeev

Genaral-maıor asa iri kólemde «para» alý barysynda qolǵa túsken. 2 000 000 AQSh dolllary. 6 jyl bas bostandyǵynan aıyryldy.

2. Baýyrjan Ábdishev

Qaraǵandy oblysynyń burynǵy ákimi. Atalmysh laýazymdy bir jyldaı atqarǵan. О́z qyzmetin asyra paıdalanyp jer bólinisinde qylmysqa barǵan.

3. Murat Ospanov

QR tabıǵı monopolııa baqylaý agenttiginiń burynǵy basshysy. 20 0000 AQSh dolllary kóleminde para alǵan.

4. Erlan Aryn

Pavlodar oblysynyń burynǵy ákimi. Asa iri kóleminde para aldy jáne Pavlodar qalasyndaǵy kópqabatty úılerge bólingen qarajatty jymqyrǵan degen aıyp taǵylǵan.

5. Múslim О́miraev

Memlekettik tapsyrysqa qatysty iste 100 000 AQSh dollary kóleminde para alǵan.

6. Meıram Symaǵulov

Qaraǵandynyń burynǵy basshysy. Qaladaǵy kópqabatty úılerge jóndeý jumystaryn júrgizgen «IýTEKS» merdiger kompanııasyna óz qorajaıyn tegin jóndeýge májbúrlegen. Kompanııa 5 mıllon teńgege shyǵynǵa batqan.

7. Serik Áshimbaev

QR UQK-niń shekara bóliminiń burynǵy bastyǵy. 300 mıllıon teńge kóleminde para aldy degen aıyppen ustaldy.

8. Serik Ahmetov

Kúni keshegi premer mınıstr. Asa iri kólemde para aldy degen aıyppen úı qamaqta otyr. Yǵaı men syǵaılar. Biriniń bedeli berekesiz emes.

Mine, osylar elin súıgen, eli súıgen Elbasynyń eldi senip tapsyrǵan adamdary. Halyqty qamyn jeımin dep otyrǵandaǵy ornynda «jeıminniń» ǵana josparyn joǵary dárejede oryndap shyqty. Serikterdiń sapasy setineı bastady. Senerimiz kim? Ázirge úzdik 8-dik osylar.. Zańnyń kúsheıgeni me joq túrmedegi jaǵdaıdyń jaqsarǵany ma laýazymdylar laý jegip lek-legimen ketip jatyr...

Kimge senemiz?

Orynbasar Baqytbek