BOLAShAQTY BOLJAǴANDARDYŃ AITQANY: ÁLEMDI ROBOTTAR BASQARADY

Jasandy ıntellekt pen álemdik ekonomıka jaıynda

Fızıka jáne astronomııa ǵalymdary, medısına, bıologııa mamandary, jasandy ıntellekt pen IT salasy men qarjy mamandary kún saıyn aqparattyq jáne tehnologııalyq jańalyqtarǵa qaraı qadam jasaıdy. Qamshy aqparattyq agenttigi nazarlaryńyzǵa erteńgi kúndi búgin qalyptastyryp úlgergen adamdardyń aıtqan dáıeksózderin usynady.

Bıll Geıts, kásipker-mıllıarder, fılantrop, Maıkrosoft korporasııasynyń negizin qalaýshylardyń biri: «Kolledjdi endi bitirip jatqan stýdentterdiń kóbi menen karera jaıynda aqyl aıtýymdy suraıdy. Jasandy ıntellekt, energetıka jáne bıologııa ǵylymy – sizdiń ósýińizge áser etetin perspektıvasy mol salalar. Maǵan búgin tańdaý jasaý múmkindigi brilse, dál osy salalarmen aınalysar edim. Kolledj bitirgen kezime qaraımyn da, sol sátte kóp nárseni qur jiberip alǵanymdy, keı dúnıelerdi ańǵarmaǵanymyd túsinemin. Máselen, ıntellektiń ólshemi joq, ol kún saıyn ártúrli nysandardy qabyldaıdy».

Ýorren Baffet, kásipker-mıllıarder, álemdik ınvesordyń jetekshisi: «Ámbebap dúkender búgingi tańda onlaınǵa kóshken. Al 10 jyldan keıin dál búgingideı bolady dep oılamaımyn. Sol ýaqyt ishinde adamzatty tań qaldyratyn dúnıeler paıda bolady. Álem kúnnen-kúnge damýda jáne óte úlken jyldamdyqpen».

Jensıýn Hýan, kásipker, Nvidia joǵarǵy-tehnologııalyq kompanııasynyń bas dırektory: «Búgingi jahandyq ónerkásipte jasandy ıntellektpen jabdyqtalǵan kodtardyń keıbir bólikteri ǵana paıdalanylady. Ol IT-kompanııalardyń birnesheýine meılinshe taralǵan. Alaıda tehnologııa salasynda jiberip alǵan múmkindikti, joǵalǵan paıdany qaıtarýǵa tyrysatyn kompanııalar jetip artylady. Baǵdarlamalyq qamsyzdanydrý álemdi jep túteıdi, al jasandy ıntellekt baǵdarlamalyq qamsyzdandyrýdy jep túteıdi».

Zoltan Ishtvan, fýrtýrolog, transgýmanıst: «Búgingi tańda álemdik ekonomıka úshin shaıqas júrip jatyr. Aldaǵy on jyldyqta jeńimpaz anyqtalady: ne kapıtalızm jeńedi, ne onyń ornyn kvazısosıalzım basady, álemdi robottar basqarady, adamdar memlekettiń esebinen ómir súretin zaman týady. Kóptegen sarapshylardyń oıynsha keń aýqymdy avtomattandyrý sharasyz. Tipti álemdegi eń úlken Bridgewater Associates hedj-qory joǵary bilimdi jáne avtomattandyrý barysynda zaqymdanbaıtyn qyzmetkerlerin jasandy ıntellektpen aýystyrmaq jaıynda josparyn málimdegen. Iаǵnı, robottardyń qolynan bári keledi degen sóz. Bizden keıingi býynnyń tehnologııasy – kapıtalızmniń qutqarýshysy. Neıroımplanttar men neırondy shilter sizdiń mı tolqyndaryńyzdy oqıtyn tehnologııa bolyp tabylady. Bul tehnologııa bizdiń mıymyzdy jasandy ıntellekt jáne bultty servermen biriktirýge ýáde beredi».

Sholýshy: Gúlim Jaqan