19 Mamyr, 2017 NEWS
BAÁ «ólimdi moıyndaý» dep atalatyn jarǵy shyǵardy
Birikken Arab Ámirliginiń bıligi aǵza aýystyrýdyń erejesi men sharttaryn aldyn ala bekitip, zańdastyrdy dep habarlaıdy
Birikken Arab Ámirliginiń bıligi aǵza aýystyrýdyń erejesi men sharttaryn aldyn ala bekitip, zańdastyrdy dep habarlaıdy Qamshy aqparattyq agenttigi muslim.kz-ke silteme jasaı otyryp. Atalmysh eldiń densaýlyq saqtaý jáne profılaktıka mınıstrligi "ólimdi moıyndaý" dep atalatyn jarǵy shyǵardy. Atalǵan qujatta úsh negizgi jaıt qarastyrylǵan: júrektiń toqtaýynan keletin ólim; mıdyń qyzmeti tolyq toqtaýynan bolatyn ólim; mıdyń ólgeni jónindegi pedıatrlyq rastaý jáne eresek adam men balanyń mıy ólgenin naqty anyqtaıtyn ólshemder, sondaı-aq, ólim faktisin moıyndaý aldyndaǵy tıisti tekserý rásimderi belgilengen. Aıta ketý kerek, bul jarǵy zańsyz jolmen aǵza aýystyrý jaıttary bolyp turatyn osy eldegi organdy transplantasııalaý jónindegi ulttyq baǵdarlamany tolyqtyratyn qujat. Atalmysh zań qabyldanǵannan keıin aǵza aýystyrýǵa mamandandyrylǵan halyqaralyq medısınalyq ortalyqtar ashylatyn bolady. Sonymen qatar, ólgen soń óziniń aǵzalaryn syrqattardyń ıgiligi úshin qaldyryp ketetinderdi esepke alatyn málimetter bazasy men aǵza bankteri ashylatyn bolady.
Sholýshy: Ásel О́teshova
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir