«Altyn qalam» ádebı júldesiniń aýqymy keńeıdi

19 mamyrda Qazaqstan baspasóz ortalyǵynda «Altyn kalam» ádebı júldesiniń uıymdastyrý komıteti jáne “ZHERSU” ınvestısııalyq-óndiristik korporasııasy Balalar jazýshylaryna arnalǵan Halyqaralyq «Daraboz» baıqaýy men «Altyn qalam» júldesiniń biriktirilgenin, sondaı-aq Esenqul Mamanuly atyndaǵy jyl saıynǵy syılyqtyń beriletinin jarııalady.  

«Altyn qalam 2017» ádebı júldesi Baýyrjan Ospanov jetekshilik etetin  «ZHERSU»  ınvestısııalyq-óndiristik korporasııasynyń, sondaı-aq Arman Shoraevtyń, Qazaqstan baspasóz ortalyǵynyń, «Arýna» baspasynyń qoldaýymen ótedi.

«Altyn qalam 2017» ádebı júldesiniń bas aqparattyq seriktesi «Rýsskoe radıo». Sondaı-aq «KTK», «31 telearna», «Aıqyn», «Jas alash» basylymdary  aqparattyq qoldaý kórsetedi.

 Bıyl alǵash ret «Daraboz» baıqaýy «Altyn qalam» ádebı júldesiniń sharttary boıynsha ótedi. Jeńimpaz “ZHERSU” ınvestısııalyq-óndiristik korporasııasy atynan 1000000 teńge syılyq alady.  Sonymen qatar, Esenqul Mamanuly atyndaǵy syılyqtyń ıegeri 1000000 teńgege ıe bolady. Bul syılyq bıyl Alashorda taqyrybyna jazylǵan úzdik shyǵarmaǵa beriledi.

Bıylǵy shara Alashordanyń 100 jyldyǵyna arnalady. Baıqaýǵa qazaq jáne orys tilinde jazylǵan jumystar aqpannyń 17 bastap, qyrkúıektiń 15-ne deıin qabyldanady. Oqyrmandar qyrkúıek aıynyń 30-ne deıin daýys bere alady. Ádebı týyndylardy uıymdastyrý komıtetiniń [email protected],   [email protected] elektrondyq poshtasyna joldaýǵa bolady. Konkýrs jaıly tolyq málimetti  júldeniń www.akalam.kz resmı saıtynan bile alasyzdar. Saıysqa túsken barlyq shyǵarma atalǵan saıtta ornalastyrylady. Oqyrmandar tómendegi atalymdar boıynsha daýys beredi:  

1. Jyldyń úzdik poezııasy

2. Jyldyń úzdik prozasy

3. Daraboz. Jyldyń úzdik balalar jáne jasóspirimder shyǵarmasy

4. Esenjol Dombaev atyndaǵy jyldyń úzdik satırasy

5. Jyldyń úzdik fantastıka jáne detektıv shyǵarmasy

6. Jyldyń úzdik kınossenarııi jáne dramatýrgııasy

7. Qazaq ádebıetine qosqan eleýli eńbegi úshin  

8. Shetel avtorynyń úzdik shyǵarmasy  

9. Esenqul Mamanuly atyndaǵy syılyq «Alashordanyń 100 jyldyǵy» taqyrybyna arnalǵan úzdik shyǵarmaǵa beriledi.

Alǵashqy kezeńde shyǵarmalar www.akalam.kz veb-saıtynda irikteledi. Oqyrmandar ózine unaǵan jumysqa daýys bere alady. www.akalam.kz saıtyndaǵy onlaıyn-daýys berý 7 aı boıy jalǵasady. Daýys berý aıaqtalǵan soń, ár atalym boıynsha 5 shyǵarma tańdap alynady. Saıystyń ekinshi kezeńine oqyrmandar tarapynan eń kóp upaı jınaǵan shyǵarmalar ótedi. Odan keıin júldeni uıymdastyrýshylar men joba seriktesterinen quralǵan qazylar árbir nomınasııa boıynsha jeńimpazdardy anyqtaıdy. О́tken jyldardaǵydaı saıys barysynda shyǵarma avtorlary kórsetilmeıdi.

«Altyn qalam 2017» ádebı júldesi jeńimpazdarynyń esimderi kúzde ótetin  marapattaý sharasynda jarııalanady.  

«Bilimge, ónerge qumar óskeleń urpaqty tárbıeleý úshin Qazaqstan ádebıetin damytý jáne búgingi avtorlardy qoldaý kerek. Bizge óz halqynyń dástúrin, qundylyqtaryn qurmetteıtin tárbıeli jas urpaq kerek. Adamnyń rýhyn kóteretin, shabytyn arttyratyn kitap. Sondyqtan  balalar jazýshylaryna arnalǵan Halyqaralyq «Daraboz» baıqaýy men «Jyldyń úzdik balalar shyǵarmasy» atalymynyń biriktirilýi jańa avtorlardy tabýǵa septigin tıgizip qana qoımaı, olardyń keń tanylýyna, jas  oqyrmandar tabýyna jol ashatynyna senemiz», - dedi baıqaýdy uıymdastyrýshylardyń biri Kenje Jumanuly.

Aıta ketetin bolsaq, Balalar jazýshylaryna arnalǵan «DARABOZ» baıqaýy 2006 jyly «ZHERSU» ınvestısııalyq-óndiristik korporasııasymen birlesip ashyldy. Basty maqsat – balalar jazýshylarynyń mártebesin kóterý jáne balalar ádebıetiniń sapasyn arttyrý.   

«Daraboz» baıqaýyna qyzyǵýshylyq jyl saıyn artyp keledi. Buǵan qatysýshylar tarapynan túsip jatqan ótinishterdiń kóptigi dálel. Júlde qory 50 mln teńgeden asty. 11 jyl ishinde shamamen 1000 avtor báıgege qatysty. Úzdik shyǵarmalardan jınaqtalǵan «Káýsar bulaq» jáne «Chıstyı rodnık» kitaptary oqyrman nazaryna usynyldy. Jaryq kórgen kitaptar elimizdegi mektepterge jáne kitaphanalarǵa tegin taratyldy. Bul jıgnaqtar oqýshylar men ustazdarǵa, tárbıeshiler men ata-analarǵa jáne jalpy oqyrman qaýymǵa arnalǵan.   

«ALTYN QALAM» ádebı júldesi

Qazaq ádebıetiniń búgini men bolashaǵyna beı-jaı qaraı almaıtyn, qoǵamdyq qyzmettiń ár salasynda eńbek etip júrgen Dosym Satpaev, Qýat Dombaı, Kenje Jumanuly, Rasýl Jumaly jáne Aıdos Sarym sekildi azamattar aqyldasa kelip, 2009 jyly «Altyn qalam» ádebı júldesin ótkizý týraly bastama kótergen bolatyn. Maqsat – elimizdiń  rýhanı-mádenı damýyna Qazaqstan azamaty retinde óz úlesin qosý jáne jas daryndar men jańa esimderdiń qalyń jurtqa tanylýyna yqpal etý.

Keıin baıqaýdy uıymdastyrý komıtetiniń quramyna «KTK» telearnasynyń burynǵy jetekshisi Arman Shoraev qosyldy.  Sondaı-aq, uıymdastyrý jumystaryna Tatıana Fılıpchık qoldaý kórsetip otyr. Úzdikterdi anyqtaýǵa oqyrmandardyń at salysýy baıqaýdyń basty ereksheligi sanalady. Shyǵarmalardy baǵalaý eki kezeńnen turady. Aıta ketetin jáıt, qazylar quramynda  kásibı qalamgerler, ádebıetshiler joq. Kóptiń talqysyna usynylǵan ádebı shyǵarmalardyń avtory da kórsetilmeıdi. Mundaı talaptar júldeniń ádil ótýine kepil bola alady. Aıta ketetin jaıt, «Altyn qalam» baıqaý jumystaryna jazýshylar emes, oqyrmandar  baǵa beretin Qazaqstandaǵy birinshi ádebı júlde.

 

«Altyn qalam» ulttyq ádebı júldesi alǵash ret 2010 jyly uıymdastyryldy.

    Erekshe atap ótetin jaıt, «Altyn qalam» júldesiniń uıymdastyrý komıteti  saıası qylmysker dep aıyptalyp, Qytaı túrmelerinde 40 jyl otyrǵan, «Qylmys» atty 6 tomdyq kitapty abaqtyda jazyp shyqqan, Qytaı ókimeti  tarapynan saıası sebepterge baılanysty qýdalanǵan qazaqtyń arda azamaty, talantty qalamger, búkil ǵumyry azattyq úshin kúrespen ótken Qajyǵumar Shabdanulyn  «Qazaq ádebıetine qosqan zor úlesi úshin» marapattady. Bul Qajyǵumar Shabdanulynyń týǵan jerinen alǵan alǵashqy ádebı syılyǵy jáne osy syılyqty uıymdastyrǵanymyzdy maqtanysh etemiz.  

2016 jyldan «ARÝNA» baspasy «Altyn qalam» ádebı júldesimen yntymaqtasa bastady. Konkýrsqa qatysýshylardyń biri Tumar Muqashteginiń balalarǵa arnalǵan «Shımaı-shatpaq» kitabyn baspadan shyǵardy. Endi baspa ótken jyldyń qorytyndysy boıynsha «Jyldyń úzdik balalar shyǵarmasy» nomınasııasynyń úzdik shyǵarmalarynyń birin kitap etip shyǵarýdy josparlap otyr.