Nurlan Nyǵmatýllın: Lańkestik áreketti júzege asyrmaq bolǵan 220 adam jaýapqa tartyldy

Quqyq qorǵaý organdary men arnaıy qyzmet ókilderi birqatar ekstremıstik uıymdardyń zańsyz áreketin anyqtady. Terrorlyq áreketti júzege asyrmaq bolǵan 220-dan astam adam qylmystyq jaýapkershilikke tartyldy. Bul týraly QR Májilis tóraǵasy Nurlan Nyǵmatýllın kóshpeli otyrysta aıtty, dep habarlaıdy Qamshy aqparattyq agenttigi QazAqparatqa silteme jasap.

Aqtóbege Parlament Májilisiniń Halyqaralyq ister, qorǵanys jáne qaýipsizdik komıtetiniń depýtattary kelip, kóshpeli otyrys ótkizgenin buǵan deıin habarlaǵan bolatynbyz.

Jıynda Parlament Májilisiniń tóraǵasy Nurlan Nyǵmatýllın 5 maýsymdaǵy lańkestik oqıǵa bárine sabaq bolǵanyn jetkizdi.

«Beıbitshilikti qorǵaý, tynyshtyǵymyzdy saqtaý jáne tatýlyqty kúsheıtý bul bizdiń babalarymyzdan kele jatqan qasıetti jol. El qaýipsizdigi árqashanda turaqty damýdyń kepili. Sondyqtan táýelsizdik alǵan kúnnen bastap elimizde qaýipsizdikti nyǵaıtý úshin kóptegen jumystar qolǵa alyndy, zań jaǵynan qoldaýǵa erekshe kóńil bólindi. Máselen, «Terrorızmge qarsy is-qımyl» zańyn qabyldap, oǵan Elbasy qol qoıdy. О́tken jyly osy máselege baılanysty zańnamalarǵa birqatar ózgertýler engizildi. Qazaqstanda terrorızmmen kúres jónindegi arnaıy komıssııa da quryldy. Úlken sharalar atqarylyp jatyr. Degenmen óte saq bolýymyz kerek. Sebebi, búgingi kúni búkil álemde túrli qaýipti jaǵdaılar bolyp jatyr. Ekstermızm jáne lańkestik máselesi eshqandaı ultqa, dinge qaramaıtyn óte úlken qaýip-qater. О́tken jyly oılamaǵan jerden terrorlyq akt tirkeldi. Bul bárimizge úlken sabaq boldy. Endi ol qaıtalanbaýy úshin barlyq qoǵamdyq uıym, saıası partııalar, memlekttik organdar birlese jumys isteýimiz kerek. Sebebi ol tek quqyq qorǵaý organdarynyń ǵana emes, barshamyzdyń ortaq mindetimiz»,- dedi Nurlan Nyǵmatýllın.

Májilis tóraǵasy óz sózinde jastarmen jumysty kúsheıtýdi tapsyrdy. Jıyn kezinde quqyq qorǵaý organdary men arnaıy qyzmet ókilderi ótken jyldan beri ártúrli terrorlyq áreketti júzege asyrmaq bolǵan 220-dan astam adamdy anyqtap, olar qylmystyq jaýapkershilikke tartylǵany jánebul baǵyttaǵy jumys ári qaraı jalǵasatyny aıtyldy.