Páter satyp alý úshin qazaqstandyqtar 14 jyl aqsha jınaýy qajet

Bıyl qańtar-sáýir aılary aralyǵynda elimizdegi jańa páterlerdiń baǵasy sharshy metrine orta eseppen alǵanda 1,1 paıyzǵa - 250,1 myń teńgege deıin ósken. Mundaı kórsetkish 7 qalada baıqalady, al taǵy úsh óńirde páter baǵasy sharshy metrine kerisinshe, tómendegen, - dep jazady kaz.tengrinews.kz.

Sarashylardyń aıtýynsha, Petropavlda páter baǵasy sharshy metrine qatty qymbattaǵan. Onda jańa turǵyn úıdiń sharshy metri 16,6 paıyzǵa - 185,0 myń teńgege qymbattap ketken. Petropavldan keıin Almaty qalasy tur. Munda 2017 jyldyń sáýir aıynda jańa páterdiń sharshy metriniń baǵasy 341,5 myń teńge bolǵan. Al 3-orynda Semeı qalasy tur. Semeılikter qazirgi ýaqytta jańa páterdiń sharshy metrine 154, 5 myń tóleýi kerek.

Jańa páterlerdiń baǵasynyń ósýi, árıne, qazaqstandyqtardyń óz jyljymaıtyn múligin satyp alýǵa qarajat jınaýǵa degen múmkindikterine shekteý qoıady. Sarapshylardyń aıtýynsha, qazirgi ýaqytta jumys istep júrgen qazaqstandyqqa bir bólmeli páter satyp alý úshin (32 sharshy metr) 14 jyldan asa ýaqyt kerek. Iаǵnı, ol adam 14 jyl boıy jalaqysynyń 30 paıyzyn páter alýǵa jınaıdy.

Sondaı-aq, mamandar elimizde ıpotekalyq nesıe berý naryǵynda 17 ekinshi deńgeıli bank (ATF, RBK, Sberbank jáne Sesnabank) jumys istep jatqanyn aıtyp ótti.  Jalpy, ıpotekalyq qaryzdyń maksımaldyq merzimi 240 aı eken.