Baýyrjan Baıbek Almaly aýdanyn synap tastady

Almaty ákimi Baýyrjan Baıbek Almaly aýdanynda júrip jatqan kóriktendirý jumystaryna kóńili tolmaıtynyn aıtty, dep jazady Qamshy aqparattyq agenttigi.

 QazAqparattyń málimetine súıensek, jumys sapary barysynda qala basshysy qysqa merzimde shuǵyl túrde barlyq trotýarlar men saıabaqtardy, balalar alańy men sport alańdaryn qalpyna keltirýdi buıyrdy.

«Ár sharshy metrdi, ár kósheni retteý kerek. Qoqys, joldaǵy shuryq tesikter, qısyq qorshaý bári nazardan tys qalmaýy tıis. Biz qalany jaıaý júrginshilerge yńǵaıly etýimiz kerek», - dedi ol.

Almaly aýdanynyń ákimi Jasulan Estenovtiń aıtýynsha, bıyl 34 mekenjaıdaǵy 10 trotýar, uzyndyǵy 19,7 km bolatyn syrtqy jaryqtandyrý jelileri jóndelýi tıis. Sondaı-aq, 80 aýla kúrdeli jóndeýden ótedi. Qabanbaı jáne Naýryzbaı batyr kósheleriniń qıylysyndaǵy skver,

Arbattaǵy sýburqaq jóndeledi. Aýdan ákiminiń Baıbekke bergen esebinde «Turǵyn úı sharýashylyǵy» baǵdarlamasy aıasynda jyl basynan beri 5 úıde 13 lıft aýystyrylyp, 4 úıde kúrdeli jóndeý bastalǵany belgili boldy.

Sholýshy: Gúlim Jaqan