Jýrnalıst bolý - árdaıym qara tizimde júrý...

Álemdegi eń qaýipti mamandyqtar tiziminde jýrnalıster qaýymy  da bar ekeni belgili. Solaı bolýǵa sebep te, negiz de bar. Statıstıkaǵa súıensek, álemde jyl saıyn júzdegen jýrnalıster qaza taýyp jatady. Kópshiligi arnaıy, qasaqana ólimmen óledi. BAQ ókili demokratııa men sóz bostandyǵy uǵymdarynyń sımvoly, jarshysy. Alaıda dál osy sóz bostandyǵy jolynda qyrshynnan ketip jatqandar úshin eshkim jaýap bermeıtini kóńilge qaıaý túsiredi.

Álemdegi eń qaýipti elderdiń biri –Meksıka. Jergilikti BAQ ókilderi úshin de bul el jala men ótiriktiń, zorlyq pen zombylyqtyń otany. Al eń úlken dert-esirtki. Osy jyldyń ózinde Meksıkada 11  BAQ ókili óltirilgen dep habarlaıdy Qamshy aqparattyq agenttigi. 

Jaqynda meksıkalyq tanymal jýrnalıst, jazýshy Haver Valdesti atyp óltirgen. «Narkojýrnalıstıka» atty kitabyn jaryqqa shyǵarǵan ol 50 jasqa deıingi ómirin osy máselege arnaǵan.

«Jýrnalıst bolý- árdaıym qara tizimde júrý» deıdi ol. «Sen oq tımeıtin kıim kıip alyp qasyńda oqqaǵarlaryń bar bolsa da, banda seni qaı kúni óltiretinin ózi sheshedi»-degen eken marqum jýrnalıst. Ol osy jyly óltirilgen jýrnalısterdiń altynshysy bolǵan eken.

«Sınaloa»- esirtkimen aınalysatyn álemdegi eń úlken banda. Meksıkadan AQSh-qa esirtki jetkizýmen aınalysatyn basty uıym. Esirtkige qarsy kúresti nasıhattaýmen, osymen aınalysatyn uıymdardy ustap berýmen aınalysqan meksıkalyq jýrnalıster ómirine úlken qaýip tónedi.

Avtor: Nazerke MUSA