Evgenıı Rýra: El bolamyz desek qazaq tilin úıreneıik!

Shyndyǵyn aıtý kerek, "Qazaqtyń jartysy óz tilin bilmeıdi", "Sanymyz áli az" deıtin qurdańǵaza sózderdiń dáýreni ótti. Qazaqtyń ózi túgili ózge ulttardyń kóbi memlekettik tilde erkin sóıleıdi. Biren-saran Sovet odaǵynyń salqyny tıgen shal-kempir bolmasa, qazirgi jurt qazaq tiline qyryn qaramaıdy.  Alash eliniń nanyn jep, sýyn iship otyryp, onyń tilinde sóılemeýdiń "satqyndyq" ekenin biledi. Bolashaqta Qazaq jerinde baı-baqytty, beıbit turmys keshiremin dese memleketqurýshy ulttyń tili men dástúrin syılaý qajettigin anyq ańǵarady.

Mine, solardyń biri - ulty orys,  Astana qalasynyń turǵyny Evgenıı Rýra. Ol óziniń FB-daǵy paraqshasynda mynadaı pikir qaldyrypty: «tamyz aıynyń sońy men qyrkúıek aıynyń basyna qaraı qazaqsha post jazsam ba dep josparlap otyrmyn. Sol kezde dostar sender meniń baqylaýshym bolasyzdar. Negizi til úırený óte qyzyqty eken. Men aldymen qazaqtyń dástúri jaıynda oqyp bastadym ( jasyrary joq ázirshe orys tilinde oqyp jatyrmyn).  Al, búginde mektep qabyrǵasynda júrgenderge aıtarym: til úırenińder, keıin kesh bolady. «Halyqtyń janyn tili arqyly ǵana túsinesiń». Biz Qazaqstanda ómir súretin ártúrli ult ókilderimiz, bizdi toǵystyratyn bir-aq dúnıe – bizdiń elimiz. Endeshe, bir jaǵadan bas, bir jeńnen qol shyǵaryp Qazaqstannyń órkendeýine kómekteseıik. Bári jaqsy bolady. Jamandyqqa bárin jorı bermeý kerek. Bizde kórikti tabıǵat ta bar. Mundaı tabıǵat álemde joq. Bizde qansha ma ulttar dostyqpen ómir súredi. Dál osyndaı kópultty eldiń berekeli ómir súrgenin buryn sońdy kórgen emespin. Elimizge jarqyn jaǵymyzben qaraıyq!» .

Eldi syılaǵan, jerdi syılaǵan degen osy. Al ózin syılaǵandy qazaq árqashanda tóbesine kóterip, tórden oryn bergen. Sol jaısańdyǵymen biraz jurtty baýyryna basyp otyr.

Qazybekshe aıtsaq: 

Dos bolǵanǵa qushaq ashyq týyspyz,

qas qylǵanǵa qıyp týser qylyshpyz!

Marǵulan Aqan