• USD 468.56

  • EUR 497.56

  • RUB 7.3

  • CNY 67.18

29 Наурыз, 05:25:44
Алматы
+35°

09 Мамыр, 2019

Танымал композитор көпбалалы отбасына 4 бөлмелі пәтер сыйлады ( видео)

Кештен жиналған барлық қаражатты тұрмысы төмен отбасыларға қайырымдылыққа жұмсаған.

Еркеш Шәкеев Алматыда өткен авторлық кешінде көпбалалы отбасыға 4 бөлмелі жиһазы бар пәтер сыйлады деп хабарлайды Qamshy.kz ақпарат агенттігі

Дереккөздеріне сүйенсек, мамыр айының жетінші жұлдызында Алматы қаласының Республика сарайында өткен концерт музыкант Еркеш Шакеевтің өнерде жүргеніне 30 жыл толуына орай және көпбалалы, тұрмыс-жағдайы қиын отбасыларды қолдау мақсатында ұйымдастырылған екен.

Елордада тірідей өртеніп кеткен бес қыздың тағдырына қатты алаңдап, алаңдап қана қоймай, ерге тән ерлік жасауды көздеген композитор кештен жиналған барлық қаражатты тұрмысы төмен отбасыларға қайырымдылыққа жұмсаған.

Еркеш Шакеевтің бұл ерлігін кешке жиналған қонақтар әлеуметтік желіде жарыса жариялады.

"Бүгін Республика сарайында Еркеш Шәкеевтің керемет кеші өтті. Бізде талантты адамдар өмір сүруде. Жарайсыз, Еркеш! Композитор өзінің достарымен бірге концертке жиналған қаражатқа 4 бөлмелі пәтер алып, көпбалалы отбасыға табыс етті. Пәтердің кілтін сахнада көпбалалы әйелдің қолына ұстатты", - деп жазды тыңдармандардың бірі.

 Бұл кеште Алматы симфониялық оркестрі, мемлекеттік академиялық симфониялық оркестрі, дирижер Қанат Омаров, Александр Иванов және "Рондо", "Tengri", "Mezzo", "Асыл", "Molto Loud" топтары, Oliver Poole, Mezzo тобы, Марат Бисенғалиев, A’Studio, Карина Абдуллина, Толқын Забирова, Динара Сұлтан, Bianca Nicholas өнер көрсетті. 

Ұсынған: Мақпал Сембай

Мақпал Сембай

Автормен оның Facebook парақшасы арқылы хабарласуға болады.

Жазылыңыз

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір