• USD 468.56

  • EUR 497.56

  • RUB 7.3

  • CNY 67.18

29 Наурыз, 04:10:16
Алматы
+35°

09 Ақпан, 2019 Әдебиет

"Шылқып баюымыз, былқып тоюымыз керек..."

Кедейшілікке қарсы майдан ашып, кірістік жеуге ашық...

Дағдарыстан аман өту үшін,

Өркениеттілікке жету үшін.

Шылқып баюымыз,

Былқып тоюымыз керек.

Сосын дамуды

Жолға қоюымыз керек,

–Деп бәріміз дүрлігіп,

Сүрініп-қабынып сүрлігіп.

Кедейшілікке қарсы

Майдан ашып,

Кірістік жеуге ашық.

Арамза алпауыттар асап,

Арсыздар жеңгетайлық жасап.

Алаяқтар жұртты алдап,

Суайттар жанын жалдап.

Ұрылар бір жерден жымқырып,

Жымқыра алмаса қымқырып.

Сыбайластар ұйымдасып,

Айлакерлер жалған ұйым ашып.

Жалақорлар жала жауып,

Делдалдар пайда тауып.

Парақорлар пара алып,

Тоқетері–

–жемқорлықтың түр-түрі

Бара жатыр таралып

О, тоба!

Еңбек етпей ішіп-жеу,

Болмай қалды жаңалық.

            ***

Оу, ағайын!

Адалдап асымызды

Жейік те талғап-талмап.

Әйтпесе ақырында,

Өзімізді өзіміз

Қоярмыз бір күн жалмап.

Күләш Байдалы

Gulim Zhaqan

Автормен оның Facebook парақшасы арқылы хабарласуға болады.

Жазылыңыз

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір