Ақтөбе жастары Елбасымен бірге!

Ақтөбе облысының жастары сарапшылармен бірге Президенттің «Ұлы даланың жеті қыры» мақаласын талқылады.

Атақты қазақстандық саясаттанушылар, қоғам қайраткерлері мемлекет басшысының «Ұлы даланың жеті қыры» мақаласы туралы пікірлерімен алмасу үшін ақтөбелік жастармен кездесті.

Шығармашылық академиясында өткен кездесуге өңірдегі жоғары және арнайы орта оқу орындарының 400-ден аса белсенді студенттері қатысты. Өңірге арнайы келген «Егемен Қазақстан» РГ» АҚ басқарма төрағасы, Халықаралық түркі академиясының президенті Дархан Қыдырәлі, «Қазақпарат» халықаралық ақпарат агенттігінің бас директоры Асқар Умаров, «Қасиетті Қазақстан» ғылыми-зерттеу орталығының директоры Берік Әбдіғали, қоғам қайраткері Айдос Сарым, «Қазақстан блогерлерінің альянсы» ҚБ төрағасы Ғалым Байтук мақала ережелерінің орындалуы туралы өз көзқарастарымен бөлісті.

Жиынды ашқан облыс әкімі Бердібек Сапарбаев Президенттің «Ұлы даланың жеті қыры» бағдарламалық мақаласы ең алдымен жастарға бағытталғанын атап өтті.

Кездесуге облыс әкімі Бердібек Сапарбаев, «Егемен Қазақстан» республикалық газеті» акционерлік қоғамының басқарма төрағасы, халықаралық Түркі академиясының президенті Дархан Қыдырәлі, «Қасиетті Қазақстан» ғылыми-зерттеу орталығының директоры Берік Әбдіғали, «ҚазАқпарат» халықаралық агенттігінің бас директоры Асқар Омаров, саясаттанушы Айдос Сарым, «Қазақстан блогерлері альянсы» қоғамдық бірлестігі төрағасы Ғалым Байтоқ, сондай-ақ, студенттер мен оқушылар қатысты. Мұндағы мақсат — жастарға Президент мақаласында айтылған мәселелерді түсіндіру, ұлттық құндылықтарды ұлықтау.

- Сіздер Елбасының жас ұрпаққа қалай көп көңіл бөлетінін өздеріңіз де көріп жүрсіздер. Бес әлеуметтік бастама ең бірінші, жастарды қолдауға, яғни білім гранттарын арттыруға және бизнесті шағын несиелеуге, студенттер жатақханасын салуға бағытталған. «Ұлы даланың жеті қыры» да ең алдымен сіздерге арналған. Сіздер өздеріңіздің мақтануға тұрарлық және ұялуға еш негізі жоқ нағыз тарихыңызды білулеріңіз керек,-деді облыс әкімі студенттерге.

 

Тарихшы ғалым Дархан Қыдырәлі өз сөзінде тамырын жоғалтқан адамның жерде нық тұра алмайтындығын атап өтті.

— Мемлекет басшысы сіздерге, жастарға, ерекше көңіл бөлетінін білесіздер. Өйткені біздің болашағымыз — сіздердің қолдарыңызда. Сондықтан қазіргі таңда жасалып жатқан жағдай, ұйымдастырылып жатқан шаралар, барлығы сіздер үшін өткізіліп жатыр. Ең негізгі мақсат — қазақстандық жастардың білімі, денсаулығы, басқа да тұстары, шетелдік қатарластарымен салыстырғанда, кем болмауы керек.

Елбасының әлеуметтік бес бастамасы, жақында жарық көрген мақаласы да бірінші кезекте сіздерге арналған. Сол үшін тарихты қастерлеп, оны танып-біліп, Қазақстанның дамуы үшін бар күш-жігерлеріңізді салуларыңыз керек. Бұл мақсатта жақсы оқып, қай жағынан да озып шығуға ұмтылу қажет.

Елбасының мақаласын жете түсіндіру үшін елімізге белгілі өлкетанушылар, саясаттанушылар, журналистерді шақырдық. Олардың мақала туралы пікірі, жастарға не беретіні туралы пайымы сіздерге де қызық болады ғой деп ойлаймын, — деді облыс әкімі Бердібек Машбекұлы.

Өз кезегінде, Ғалым Байтук «Ұлы даланың жеті қыры» - жастарға патриоттық тәрбиені қалыптастыратын адамгершілік негізі екенін атап өтті.

Ғалым Байтук: «Ақтөбе ең қызықты және қарқынды дамып келе жатқан қалалардың бірі. Бүгін мен мұражай, спорт орталықтары, «Анаға тағзым» орталығы сияқты бірнеше жаңа әлеуметтік нысандарды қарап шығып,

Президент мақаласындағы міндеттерді жүзеге асыру үшін мықты қор құрылғанын айта аламын. Сіздер ғасырлар бойы прогрестің қозғалтқышы болған жастар ретінде осы бірегей нысандарды патриотизмге негізделген идеяларыңызбен дамытуға көмектесулеріңіз керек. Патриот болыңыздар – солай ғана сіздер Отан үшін көп нәрсе істей аласыздар, өйткені патриотизм – бұл әрқашан ұмтылыс, қолдау және даму»,-деген сенімде.

Ал «Қасиетті Қазақстан» ғылыми-зерттеу орталығының директоры Берік Әбдіғали:

— «Рухани жаңғыру» бағдарламасы мен «Ұлы даланың жеті қыры» атты мақала — бір-бірімен үндес, төл тарихымызды тани түсуге деген талпыныстан жарыққа шыққан құжаттар. Өйткені, әсіресе, ғаламторда соңғы уақытта біздің дәстүрімізді жоққа шығаратын ұғымдар насихаттала бастады. Осының бәрі жастарға кері әсерін тигізді. Бір ғана мысалды айтайын, өз-өзіне қол жұмсау жағынан Қазақстан әлемде алдыңғы орындардың бірінде тұр. Қоғамымызда осындай проблема бар болған соң, ендігі рухани құндылықтардың насихатталуына, тәрбие жұмыстарына айрықша мән беріліп жатыр. Соның ішінде әлеумет, мәдениет салаларына қамқорлық күшею үстінде. Келесі жылдың жастарға арналуы да бекер емес. Мемлекеттік деңгейде жастарға бағытталған жақсылықтар арта түспек. Неге десеңіз, соларға қазірден көңіл бөлмесек, болашақта Қазақстан қандай болады?! Бұл сұрақ бәрімізді алаңдатуы керек. Сондықтан әр адам өз-өзіне есеп беріп, көкейінде «туған жеріме не істедім?» деген сұрақ болуы тиіс. Ауылына көмек көрсету деген міндетті түрде мектеп, аурухана салу, болмаса ақша жағынан қолдау емес. Туған жеріне өзіне қымбат кітабын берсе де, бұл — үлкен сый. Қысқасы, әр адам қолынан келгенше шарапатын тигізсе, бұның да еліміздің, қоғамымыздың дамуына оңды жағы көп, — деді.

«Қазақстан блогерлері альянсы» қоғамдық бірлестігі төрағасы Ғалым Байтоқ республикамызда әлі күнге насихаты аз киелі жерлер, батырлар, басқа да құндылықтардың көп екенін, оны зерделеп, зерттеуге Елбасының өзі баса назар аударып отырғанын қосты. Оның сөзінше, қыз-жігіттер осы мүмкіндікті мүлт жібермей, мақаланы жазудағы мақсат-мұраттарды жете түсіну қажет. Сонда ғана рухани жаңғырып, Абай айтқан «толық адам» деген ұғымға сай болады.

Кездесу студенттердің сұрақтарымен аяқталды. Жастарды Қазақстандағы киелі жерлердің әрі қарайғы зерттелуі, БАҚ-тың электронды форматқа көшуі, латын әліпбиін енгізудің қазіргі жағдайы және т.б. қызықтырды.