Bıshimbaev isi: Sot taǵy da keıinge shegerlidi

Búgin Astana qalasynyń mamandandyrylǵan aýdanaralyq sotynda Qýandyq Bıshimbaev pen Baqytjan Baıjanovtyń qylmystyq isi boıynsha  alqabılerge arnalǵan suraqtar taldanatyn bolǵan. Alaıda suraqtardy talqylaý dúısenbige aýystyrylyp, búgingi sot otyrysy 2 mınýtta aıaqtalǵan. 

Sot otyrysynda alqabıler sot zalynda bolǵan joq. Sonymen qatar, sýdıa BAQ ókilderinen zaldan shyǵýdy suraǵan.

Kóp uzamaı  zaldan shyqqan advokat Igor Vranchev sot otyrysy qashan jalǵasatynyn aıtty.

"Qylmystyq is boıynsha qandaı sheshim shyǵatyny talqylanǵan joq. Biz suraqtarymyzdy usyndyq, sýdıa keńesý zalyna ketti. 13 mamyr 9:30-ǵa deıin úzilis jarııalandy", – dedi ol.

Sot úkimi qashan shyǵatyny belgisiz.