10 Mamyr, 2024 NEWS
BAQ-ta AES referendýmy jaıly jalǵan aqparat tarap jatyr – mınıstr
Úkimet otyrysynyń aldynda jýrnalısterdiń suraǵyna jaýap bergen Energetıka mınıstri Almasadam Sátqalıev AES salý jónindegi referendýmǵa pikir bildirdi, - dep jazady Qamshy.kz aqparat agenttigi Kazınforýmǵa silteme jasap.
Foto: ashyq derekkózden
BAQ ókilderi Qazaqstannyń Reseıdegi elshisi Dáýren Abaevtyń bir suhbatynda atom elektr stansasyn salý jónindegi referendým jyl sońynda ótkizilýi múmkin ekenin aıtqanyn tilge tıek etip, bul qanshalyqty shynaıy aqparat ekenin surady.
«Buqaralyq aqparat quraldarynda árdaıym "Sátqalıev referendým osy kezde ótedi dep aıtty“ degendeı aqparattar jıi shyǵady. Sol basylym resmı túrde keshirim suraýy tıis dep esepteımin! Sebebi men „zańnamaǵa sáıkes“ dep sóılep, halyqtyń talaby men yntasy eskeriletinin aıttym. Memleket basshysy bul baǵytta saıası sheshim qabyldady. Biz soǵan sáıkes referendým ótkizýmen aınalysamyz", — dedi mınıstr.
Degenmen, ol «keshirim suraýy kerek» dep qaı BAQ-ty meńzegenin ashyq aıtpady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir