10 Mamyr, 2024 NEWS
Úkimet bıylǵy egis maýsymyna qansha qarjy bóldi
Úkimet basshysy Oljas Bektenov egis maýsymyna daıyndyq barysy týraly aıtyp, mınıstrlik pen ákimdikterge tapsyrma júktedi, -dep habarlaıdy Qamshy.kz aqparat agenttigi Kazınforýmǵa silteme jasap.
Foto: ashyq derekkózden
«Kóktemgi egis jumystaryn qamtamasyz etý úshin Úkimet qajetti sharany qabyldady. Bul maqsatqa 140 mlrd teńge bólindi. Forvardtyq satyp alý baǵdarlamasy da jalǵasyn tabady, bıyl oǵan 40 mlrd teńge kózdelgen. Meniń tapsyrmam boıynsha dızel otynynyń qosymsha kólemi bólindi», - dedi Oljas Bektenov Úkimet otyrysynda.
Odan bólek, Premer-Mınıstr tyńaıtqyshtarmen qamtý máselesin kóterdi.
«Sonymen birge, biz fermerlerden agrotehnologııalardy qatań saqtaý, tyńaıtqyshtar men ósimdikterdi qorǵaý quraldaryn ýaqtyly qoldaný sııaqty qarsy mindettemelerdiń oryndalýyn kútemiz. Egis jumystaryn júrgizgen kezde aýa raıynyń uzaq merzimdi boljamyn nazarda ustaý qajet. Aýyl sharýashylyǵy mınıstrligi oblystardyń ákimdikterimen birge kóktemgi egis jumystaryn der kezinde júrgizý boıynsha barlyq qajetti sharalardy qabyldaýy kerek», - dedi ol.
Eske salsaq, buǵan deıin Premer-mınıstr Oljas Bektenov jylý nysandaryn jańǵyrtýda bıýdjet tepe-teńdigin saqtaý qajettigin aıtqan edi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir