10 Mamyr, 2024 NEWS
Almatyda Jeńis kúni toılandy
Almatyda Uly Jeńistiń 79 jyldyǵy toılandy, - dep habarlaıdy Qamshy.kz aqparat agenttigi Almaty ákimdigine silteme jasap.
Foto: akimat.almaty
Dástúr boıynsha negizgi merekelik is-sharalar 28 gvardııashy-panfılovshylar atyndaǵy saıabaqta ótti, dep habarlaıdy qalalyq ákimdik.
Almaty ákimi Erbolat Dosaev Máńgilik alaýǵa gúl shoqtaryn qoıdy.
Bir mınýt únsizdikten keıin Uly Otan soǵysynyń ardagerleri, tyl eńbekkerleri, áskerı qyzmetshiler, quqyq qorǵaý organdarynyń ókilderi, qoǵam qaıratkerleri men qala turǵyndary qaza tapqan qazaqstandyq jaýyngerlerdi eske alýǵa arnalǵan Dańq memorıalyna gúl shoqtaryn qoıdy.
Ákim maıdangerlerdi merekemen quttyqtap, urys alańynda jáne eńbek maıdanynda kórsetken erlikteri úshin alǵys aıtyp, zor densaýlyq, mol baqyt, amandyq tiledi.
О́z kezeginde ardagerler kezdesý barysynda qala basshylyǵyna nazar aýdarǵany úshin rızashylyq bildirip, Almaty turǵyndary men qazaqstandyqtarǵa beıbitshilik pen jaqsylyq tiledi. Sondaı-aq esteligin bólisip, óleń oqyp, soǵys týraly ánder aıtty.
Qazir Almatyda Uly Otan soǵysynyń 43 ardageri turady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir