Sý tasqyny týraly jalǵan aqparat taratqan azamat aıyppul arqalady

WhatsApp jelisinde elimizdegi tótenshe jaǵdaı týraly jalǵan aqparat taratqan Aqtaý turǵynyna aıyppul salyndy. Aıyppul kólemi  73 840 teńgeni quraıdy. 

Mańǵystaý oblysynyń turǵynyna ákimshilik quqyq buzýshylyq týraly kodekstiń 456-2-babynyń 3-bóligi (jalǵan aqparat jarııalaý, taratý) boıynsha ákimshilik is qozǵalǵan.

"Aıyptalýshynyń uıaly telefonynan WhatsApp jelisi arqyly Atyraý oblysynda tótenshe jaǵdaı oryn alǵany týraly jalǵan aqparat taratqany anyqtaldy. Ákimshilik quqyq buzýshylyq ister jónindegi mamandandyrylǵan sotynyń qaýlysymen kináli dep tanylǵan Aqtaý qalasynyń turǵynyna 20 AEK kóleminde aıyppul salyndy", – delingen sot habarlamasynda.