02 Mamyr, 2024 NEWS
Búlingen elektr symdaryn jóndeýge 800 mln teńge kerek bolýy múmkin – Energetıka mınıstrligi
Energetıka vıse-mınıstri Suńǵat Esimhanov tasqynnan búlingen elektr baǵandaryn jóndeýge bıýdjetten qansha qarajat ketýi múmkin ekenin aıtty, - dep habarlaıdy Qamshy.kz aqparat agenttigi Kaz.inform.kz-ke silteme jasap.
Kórneki sýret
-Tasqyn saldarynan búlingen barlyq baǵandy qalpyna keltirýdi elektr jelileri kompanııasy óz moınyna alyp otyr. Iаǵnı, bıýdjetten eshqandaı qosymsha qarajat bólinbeıdi. Tek Qostanaı oblysyndaǵy Jangeldi aýdanynda qulaǵan baǵandarǵa tótenshe jaǵdaı boıynsha esep jasalyp jatyr. Sol esepke múmkin tótenshe jaǵdaı janyndaǵy bıýdjetten qosymsha qarajat bólinedi. Ony osy aptanyń aıaǵyna deıin naqtylaımyz. Qalǵan óńirlerde eshqandaı bıýdjet shyǵyny bolmaıdy. Elektr jelileri kompanııasy bárin óz qarajatynan jóndeıdi», - dedi vıse-mınıstr Senat otyrysynan keıin BAQ ókilderiniń saýalyna bergen jaýabynda.
BAQ ókili mınıstrlik Jangeldi aýdanyndaǵy elektr baǵandaryn jóndeýge bıýdjetten qansha qarajat surap otyrǵanyn surady.
«Búgingi aldyn ala sanaýymyz boıynsha, 800 mln teńgege jýyq bolyp tur. Biraq ol jaqta da bıznes salasy kómektesip jatyr ǵoı. Tıisti jóndeý jumystary júrip jatyr. Biraq qosymsha kerek bolsa, sondaı kólemde qarajat bólinýi múmkin», - dedi Suńǵat Esimhanov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir