22 Sáýir, 2024 Barlyq aımaqtar
Izraıl Iranǵa qarsy shabýyldan bas tartty
Izraıl premer-mınıstri Benıamın Netanıahý AQSh prezıdenti Djo Baıdenmen telefon arqyly sóıleskennen keıin Iranǵa qarsy soqqydan bas tartty. Bul týraly New York Times basylymy jazdy.
Foto: Reuters
Basylymnyń habarlaýynsha, Izraıl áskerıleri 14 sáýirde Irannyń áskerı operasııasyna jaýap berýdi odan ári talqylaıdy.
Iran Qarýly kúshteri Bas shtabynyń basshysy Mohammad Bagerı operasııanyń sátti ótkenin aıtqan. Belgili bolǵandaı, 13 sáýir kúni Iran Izraılge zymyran jáne ushqyshsyz ushaqtarmen shabýyl jasaǵan. Al zymyrandar Izraıl aýmaǵynan tys jerde ustalǵan.
Ierýsalımnen basqa, Izraıldiń ońtústigi men soltústiginde, Shomron aımaǵynda, sondaı-aq О́li teńiz ústinde áýe shabýylynyń sırenalary iske qosylǵan. Qatty jarylystyń daýsy Ierýsalımde de estilgen.
Aımaqtaǵy shıelenis sáýirdiń 1-i kúni Damasktegi Iran konsýldyǵyna jasalǵan áýe soqqysynan keıin ýshyǵa bastady. Shabýyldan Islam revolıýsııasy Saqshylar korpýsynyń jeti múshesi, onyń ishinde eki generaldyń qaza tapqany aıtylǵan. Tegeran bul soqqyǵa Izraıldi jaýapty dep sanady, al Irannyń rýhanı jetekshisi Aıatolla Álı Hameneı Izraıldi «jazalaımyn» dep qorqytqan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir