Jer silkinisi 2029 jylǵa deıin jalǵasýy múmkin – seısmolog

Jyl basynda 4,5 ball shamasynda bolǵan jerasty dúmpýi biraz jurtty ábigerge bir salsa, keshe bolǵan 5,3 baldyq zilaladan birqatar ǵımarattarǵa zaqym kelgen. Seısmolog Muhtar Haıdarov tabıǵı qubylys Eýrazııa qurlyǵynda ár ǵasyr saıyn 25 jyl boıy túrli deńgeıde qaıtalanyp turatynyn aıtady.

– Negizi jer silkinisine baılanysty boljam jasaý óte qıyn. Al jer silkinisiniń bıyl jıilep ketýiniń sebebine kelsek, buny Qazaqstannyń Eýrazııa materıginde ornalasqanymen baılanystyrýǵa bolady. Bul qurlyqta jer silkinisiniń ózindik sıkly bar. Keı ýaqyttarda qýattylyǵy ártúrli jer silkinisteri 25 jylǵa deıin sozylyp jatady. Máselen, ótken ǵasyrdyń basynda jer silkinisi 25 jyl boıy qaıtalanyp turǵan. Qazirgi kezeńge kelsek, 2009 jyly Indonezııada magnıtýdasy 9 balldy quraıtyn jer silkinisi boldy. 2008 jyly Qytaıda, 2011 jyly Japonııada, byltyr Túrkııada 8 ballǵa jýyq jer silkinisi bolǵanyn bilemiz. Osy teorııany basshylyqqa alatyn bolsaq, seısmologtar qýattylyǵy ártúrli zilzalalar 2029 jylǵa deıin jalǵasady degen boljam aıtady, – deıdi Muhtar Haıdarov.

Seısmolog Almaty sııaqty seısmıkalyq jerde qashan da qamdanyp, daıyn júrgen artyq etpeıtinin aıtady.