09 Aqpan, 2024 Quqyq
Tarazda jol jóndeýge bólingen aqshany "jegen" shendi men kásipker 8 jylǵa sottaldy
Shendi men kásipker qala kóshelerin ortasha jóndeý jumystaryn júrgizý kezinde 34,2 mln teńge bıýdjet qarajatyn jymqyrǵan.
gov.kz
Olardyń biri - Taraz qalasy ákimdiginiń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy Z. Tursynuly, ekinshisi - «AlmatyMontajStroı» JShS dırektorynyń orynbasary E. Shleev.
Taraz qalasynyń prokýratýrasynyń málimetinshe, olar qala kóshelerin ortasha jóndeý jumystaryn júrgizý kezinde 34,2 mln teńge bıýdjet qarajatyn jymqyrǵan.
Atalǵan faktige sáıkes, Taraz qalasynyń prokýratýrasy Qylmystyq kodekstiń 189-baby 4-bóliginiń 2-tarmaǵy (jymqyrý) boıynsha qylmystyq is tirkep, tergep-tekserý oblystyq prokýratýramen júrgizildi.
Sotqa deıingi tergep-tekserý barysynda memleketke keltirilgen zalal tolyq kólemde óteldi.
Taraz qalalyq №2 sotynyń úkimimen Z.Tursynuly men E.Shleev QR Qylmystyq kodekstiń 189-baby 4-bóliginiń 2-tarmaǵymen kináli dep tanylyp, 8 jylǵa bas bostandyqtarynan aıyryldy.
Úkim zańdy kúshine engen joq.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir