Zorlyq-zombylyqtyń kóbeıýine baılanysty MMA jekpe-jekterin kórsetýge shekteý qoıylady

 

Mınıstrdiń aıtýynsha, bul sharanyń negizgi maqsaty – zorlyq-zombylyqty azaıtý. Áıtpese, mektep oqýshylary arasynda MMA ádisterin qoldaný áreketteri jıilep ketken.

 

"Telearnalarda zorlyq-zombylyqty azaıtý maqsatynda erejesiz jekpe-jek sııaqty sport túrlerine de shekteý qoıyp jatyrmyz. Sebebi kóp jaǵdaıda sondaı baǵdarlamalardy kórgen jetkinshekter, ásirese, mektep balalary sol ádis-tásilderdi qoldaný maqsatynda keıde bir-birine qol kóterip jatady. Biz ony keıde baıqamaı, WhatsApp arqyly taratyp jatamyz. Mysaly, qyzdardyń tóbelesip jatqanyn nemese er balalardyń bir-birin aıaýsyz uryp jatqany jaıly vıdeolar sharlap júredi. Al zorlyq-zombylyq nemese qatygezdik kerisinshe, sol qytygezdikti týǵyzatyny belgili", - deıdi Qydyráli.

 

Onyń aıtýynsha, 6 aıda jastar arasynda 252 qylmys tirkelgen. Sonyń basym bóligi qatygezdik áreket. Budan bólek, bıyl jarty jylda zorlyq-zombylyqty nasıhattaıtyn 219 kontent anyqtalǵan.