Astana kúni. Elbasy shetelden alǵan syılyqtar

6 shilde Astana kúni jáne Qazaqstannyń tuńǵysh Prezıdenti, Elbasy týǵan kúni qarsańynda Saýd Arabııasy Koroldiginiń astanasy Er-Rııad qalasynda «Prezıdent Nursultan Ábishuly Nazarbaevtyń saıasatkerlik fenomeni» taqyrybyna «dóńgelek ústel» uıymdastyryldy.  Bul týraly  «Qamshy» portaly QR Prezıdenti janyndaǵy ortalyq kommýnıkasııalar qyzmetine silteme jasaı otyryp habarlaıdy.

Dóńgelek ústeldi Qazaqstannyń Saýd Arabııasyndaǵy tótenshe jáne ókiletti elshisi Baqyt Batyrashev ashyp, Qazaqstannyń Prezıdenti Nursultan Nazarbaevtyń  basshylyǵymen qol jetkizgen saıası, áleýmettik-ekonomıkalyq salalaryndaǵy zor jetistikterine toqtaldy.

О́z kezeginde, «dóńgelek ústelge» qatysýshylar da  N. Nazarbaevtyń halyqaralyq arenadaǵy saıası fenomeni  jáne onyń Qazaqstan men Saýd Arabııasynyń eki jaqty yntymaqtastyǵyn damytýǵa qosqan úlesin erekshe atap ótti.

Is-shara sheńberinde Prezıdent jáne Qazaqstannyń táýelsizdik jyldary ekonomıkalyq jáne áleýmettik-mádenı damý salalaryndaǵy jetistikteri týraly derekti fılm kórsetildi.

Aıta keteıik, osyǵan deıin Nursultan Nazarbaevty Qyrǵyzstan Respýblıkasynyń prezıdenti Almazbek Atambaev I dárejeli "Manas" ordenimen marapattady.

Al Tatarstan astanasy Qazan qalasynyń kósheleriniń birine Nursultan Nazarbaevtyń esimi berildi.

Sondaı-aq, Belarýs Respýblıkasynyń Prezıdenti Aleksandr Lýkashenko Belarýs pen Qazaqstan arasyndaǵy dostyq qarym-qatynastardyń jáne strategııalyq yntymaqtastyqtyń damýyna qosqan qomaqty úlesi úshin  Qazaqstan Respýblıkasynyń Prezıdenti Nursultan Nazarbaevty "Halyqtar dostyǵy" ordenimen marapattady.

Reseı prezıdenti Vladımır Pýtın Nursultan Nazarbaevty “Aleksandr Nevskıı” ordenimen marapattady. Atalmysh orden memleket qurylymynda erekshe jumystary úshin, kópjyldyq erikti qyzmeti men qyzmet jolynda joǵary nátıjeler kórsetip, Reseıdiń halyqaralyq bedeli men otan qorǵaý qabiletin kúsheıkeni úshin, ekonomıka, ǵylym, bilim, mádenıet, óner, densaýlyq saqtaý salalaryn jetildirgeni úshin beriledi.  Sonymen birge, sheteldik belgili saıasatkerler men qoǵam qaıratkerlerine de beriledi.

Nurgeldi Ábdiǵanıuly