Ádildik úshin basyn báıgege tikken sportshy

22 sáýir  kúni  TNA erejesi boıynsha kıkboksıngtan Qyrǵystan  týmasy  Dastan  Shersheev  Qazan  qalasynda  jekpe-jek  ótkizgen  bolatyn. Onyń aıqyn basymdylyǵyna qaramastan Reseılik tóreshi Anton Kalının jeńisti qarsylasyna berdi. Jekpe-jek  sońynda  ol rıngten  ketpeı  óziniń  jeńgenin  aıtýmen boldy.  Ertesi  kúngi  ǵalamtorda  jarııalanǵan vıdeoda Reseı tóreshisiniń  oǵan  qoqań-loqqy  kórsetip, eger  sheshimge  kónbeıtin  bolsa  Reseıden  jer  aýdaryp, nemese túrmege  jabatynyn  aıtyp  jatqandyǵyn  ańǵarýǵa  bolady.

Kúzetshi  ony  rıngten shyǵarýǵa  tyrysqan  kezde, júrgizýshiden  mıkrofondy  julyp  alyp: «Iá, barlyqtaryńyz kórdińizder meniń jeńgenimdi», - dep aıǵaı salǵan. «О́zderińizge  suraq  qoıyńyzdarshy:  bul álemde qaıda ádilettilik bar? », - dep júrek nazyn bildirgen. Sonda  jankúıerlerdiń  biri: «aqshada», - dep aıǵaılaǵan. «Álde meniń  terimniń  túsi  birdeńe bildire me? », - dep  aq qalpaq  kıgen qyrǵyzdyń  batyry  kúıinishin  jetkizgen.